غادة عبد الرازق: بعاني من حب التملك لبناتي وأحفادي وبروح تصوير فيلم جوازة بالعافية عشان أفصل

تحدثت الفنانة غادة عبد الرازق عن تصوير مسلسلها الجديد تحت الحزام، كما كشف كواليس فيلمها الجديد جوازة بالعافية، وكشفت عن فيلمها الجديد الذي يجمعها بزينة.

تحيا مصر يرصد لكم تصريحات الفنانة غادة عبد الرازق
وقالت غادة عبد الرازق خلال لقائها في برنامج The insider:قصة تحت الحزام هتكون تجربة جديدة وكلها أكشن وإثارة وبجسد دور طبيبة نفسية، وعن تجربة شخصية بحس الأطباء النفسيين عندهم حتة لاسعة من كتر اللي بيشوفوه وبيسمعوه من الناس ولكن شخصيتي مش مشكلتها نفسية أوي على قد ما مشكلة تخصها في حاجة في  حياتها حاجه هي تمتلكها وهي رسالتها في الحياة وهو ابنها.

وتابعت: ملجأتش لطبيب نفسي في المسلسل وسألته عن إي حاجة، رغم أن طبيبي النفسي دايمًا بيقولي ليه الفنانين مش بيسألونا في المسلسلات النفسية، لكن أنا بعيش الشخصية لأن الموضوع بيبقى عن تجربة شخصية.

وتابعت:عمري ما ركزت إني عندي حب تملك في الحقيقية بس ساعات بحس أنه عندي مع بنتي روتانا ومع أحفادي وبحب أكون محور حياتهم.

مسلسل تلت التلاتة

كما تحدثت غادة عن مسلسلها الرمضاني الجديد الذي يحمل اسم تلت التلاتة: هو أكشن تشويقي و مش هقدر أقول تفاصيل كتير عنه لكن هو هيبقى حاجة جديدة وتركيبة وكتابة جديدة.

غادة عبد الرازق تعود للسينما

وتعود غادة عن السينما بعد غياب دام لمدة 4 سنوات وذلك من خلال جوازة بالعافية وقالت غادة: أنا بروح تصوير الفيلم عشان أضحك وأفصل شوية.

وتابعت: بيومي واحمد آدم دمهم خفيف والفيلم دمه خفيف وأنا بقالي كتير معملتش كوميدي وفي المسلسل هنا كأبه وبعيط وبصرخ هناك بضحك وبفرفش.

غادة عبد الرازق تكشف مصير فيلم اتنين على اتنين

وعن مصير فيلمها الجديد أتنين على أتنين قالت غادة انه تم تأجيل تصوير الفيلم إلى بعد انتهاء الموسم الرمضاني.

وقالت: الفيلم أتاجل لأن أنا مشغوله وبعمل فيلم ومسلسلين وكمان زينة بتعمل مسلسل في رمضان وفيلم ومسلسل تاني والوقت عندنا أخنا الأتنين ميسمحش أننا نعمل حاجة بجودة كويسة.

وأضافت: الفيلم أتاجل لبعد رمضان بس الورق هيفضل زي ما هو لكن اسم الفيلم هيتغير هو دلوقتي اسمه مؤقت.

تحت الحزام

حكاية تحت الحزام تضم عدد كبير من نجوم الفن ومنهم: بسنت حاتم، يوسف عثمان، غادة عبد الرازق، والعمل من تأليف فادي النجار، ومن إخراج محمد هشام الرشيدي.