ياسمين عز عن عودة شيرين لـ حسام حبيب: ست أصيلة واللي بيتكلم عن الكرامة يرميها في الدرج

علقت الإعلامية ياسمين عز على عودة الفنانة شيرين عبدالوهاب لحسام حبيب وإعلانهم كتب كتابهم وذلك عبر برنامج الحكاية مع الإعلامي عمرو أديب.

تحيا مصر يرصد لكم تعليق ياسمين عز على عودة شيرين وحسام حبيب 

وقالت ياسمين خلال برنامجها نص الكلام الذي يُعرض عبر قناة أم بي سي مصر: أنا مش جاية اشمت فيكو ولا أفرح فيكو  أنا جاية أقولك 1 ليه وصفر ليكم.

ياسمين عز: قلبي مفحفح من الفرحة أنت ست أصيلة

وتابعت: شيرين أنا فخورة بيكي ومبسوطة ومبهورة بيكي وقلبي مفحفح من الفرحة أنتي ست أصيلة والست ملهاش الا بيت جوزها.

وأضافت: قولنا مفيش كرامة بعد الجواز الكرامة دي ترموها في  الدرج،  قولنا قولي ياسي فولان وكلمتنين حلوين أهي نجمة عالمية عملت كدة واعتذرلته قدام الوطن العربي كله.

واستكملت: شيرين قالت أحنا مش بنطفش وبنعمر وقالت حاضر ياسي حسام، روحي يا شيرين الله يرضى عليكي دنيا وأخرة.

عودة شيرين عبدالوهاب وحسام حبيب 

وكانت الفنانة شيرين عبدالوهاب أعلنت عودتها لحسام حبيب مرة أخرى وذلك بعد الخلافات الأخيرة التي نشبت بينهم.

وقالت شيرين خلال مداخلة هاتفية أجرتها ببرنامج الحكاية مع عمرو أديب: أنا في عصمة راجل طيب جدا وحبيبي في البداية وده شطان بيحصل بين أي اتنين متجوزين، وانا غلطت أما اتكلم بصوت عالي، أنا وعلي كان في العلن وحبي كان في العلن وانا مستهلش اني أعيش في ضلمة، أنا لسة بحبه وهو حب حياتي وبوعد الناس إن أنا في أمان بحب جمهوري، وكل الناس هتكون دايما حمى ليا، حسام طيب واهله ناس طيبين وبوعد الناس وكفايا أمور شخصية.

واستكملت: كنت قاعدة في مكان أمين جدا في المستشفى، واتاخدت على خوانة، بشكر محمد عبد الوهاب انه عرفني بالناس المحترمين دول وانهم كانو خايفيين عليا، وكنت بصحى بدري وحياتي بقت جميلة جدا ولذيذة”.

واستطردت: وبوعد الجمهور بأغاني الفترة الجاية حلوة، وبعتذر لكل انسان زعلته في أي يوم من الأيام.

شيرين عبد الوهاب: أنا زي البومب

وقالت: أنا زي البومب وحلوة خالص، في ناس بيبقى بيحبه ناس كتير كدة وشعوب بتقوم وتقعد وفي وسط مشاكلهم فكرني، أنا سعيدة بيكم وربنا ميحرمنيش منكم.. أنا كويسة بس لسة بخضع لعلاجي النفسي اللي بخضعله من ساعة ما ولدت بناتي، ومش محتاجة لـ رعاية طبية، وصوتي باين عليه.