عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

إلهام شاهين: الإنتاج عامل زي القمار والدريس كود احترام وشياكة

إلهام شاهين
إلهام شاهين

أنطلق مساء أمس مهرجان القاهرة السينمائي في دورته الـ 44 بدار الأوبرا المصرية، وشهد المهرجان حضور الفنانة إلهام شاهين، وعدد كبير من نجوم الفن في مصر.

تحيا مصر يرصد لكم تصريحات الفنانة إلهام شاهين

وتحدثت الفنانة إلهام شاهين عن قرارات الفنان حسين فهمي رئيس المهرجان بشأن الدريس كود، وقالت خلال استضافتها في عبر قناة دي أم سي: الدريس كود  فيه شياكة واحترام وطبيعي إحنا كمان في الشتاء مش لازم نلبس مفتوح، وطبيعي بيفرق لما بيبقى مهرجان جوا القاهرة أو في بلد ساحلية على البحر، مثلًا مهرجان الجونة.

وتابعت: إحنا حتى بيبقى عندنا شنطة سفر بنقول دي للبحر، ولبس معين مبنقدرش نلبسه جوا القاهرة، ونفس الشيء اللي كنا بنقدر نلبسه في مهرجان الجونة لأنه بلد بحر وصيف ولبسنا أقرب لـ لبس البحر.

إلهام شاهين: سمير صبري موسوعة من المعلومات

كما تحدثت الفنانة إلهام شاهين عن الفنان الراحل سمير صبري وقالت: الله يرحمه سمير صبري، كان فنان كبير ونجح في كل المجالات اللي اشتغل فيها، وهو موسوعة من المعلومات.

واستكملت: سمير من الشخصيات المهمة أوي في حياتي وصديق غالي وأخ عزيز علينا كلنا ومجاملاته كانت للجميع، وأنا سعيدة بتكريم اسمه النهاردة لما قدمه من أعمال فنية وأعمال إنسانية.

غياب إلهام شاهين عن دراما رمضان 2023

وكشفت الفنانة إلهام شاهين عن غيابها في دراما رمضان الموسم المقبل 2023 وقالت: أنا مش هكون موجودة في رمضان اللي جاي، لأني جبانة شوية وبحب يكون معايا كل حلقات المسلسل، مبعرفش أدخل أصور وأنا معايا 8 أو حتى 10 حلقات من 30 حلقة، بحب أفرغ دوري وأبقى فاهمة أنا حجمي إيه في العمل من كل اللي حواليا، وأدرس العمل.

وأضافت: أنا متعبة شوية في شغلي وده بيتعب المنتجين مني مش قادرة أجاري السوق، ولكني كنت أتمنى أبقى موجودة.

كما تحدثت إلهام عن خوضها لتجربة الإنتاج وقالت: فلوسي ضاعت في الإنتاج لأن أنا مبعرفش أسوق وراحت فلوسي ومرجعليش حاجة من الإنتاج.
واستكملت: ولكن ممكن أخوض التجربة تاني لأني عنيدة وهي عاملة زي لعبة القمار، يعني ممكن بعد الخسارة أقول هعمل فيلم تاني علشان أعوض الخسارة. 

تابع موقع تحيا مصر علي