طارق النهري: كانوا بيعاملوني باحترام في السجن وقرار العفو كان حلم بعيد بالنسبالي

حل الفنان طارق النهري، ضياف على برنامج “صاحبة السعادة”، الذي تقدمه الإعلامية اسعاد يونس على قناة Dmc، والذي كشف خلاله عدد كم التصريحات بشأن فترة وجودة في السجن.

تحيا مصر يرصد في ذلك التقرير تصريحات طارق النهري في صاحبة السعادة

طارق النهري عن أولى لحظاته بعد خروجه من السجن: توهت من التغيير والإنجازات اللي حصلت في مصر

تحدث طاق النهري عن لحظة خروجه من السجن، فقال: “توهت.. أول ما خرجت لفيت الشوارع كلها وكم الإنجازات اللي حاصلة في مصر شيء مبهر.. اللي بيحصل ده لو مكنش حصل في الوقت ده كنا هنكون دولة متخلفة".

طارق النهري عن حياته في السجن: كان بيتعاملوا معانا باحترام وبيتقالنا يأستاذ

وتابع طارق النهري حدثه، قائلا: انا شوفت عالم وقابلت ناس مكنتش متوقعهم 90% منهم سوابق، وهناك في السجن كان بيتعاملوا معانا ياحترام وبيتقالنا ياأستاذ فلان، وكنت بحاول أوائم ظروفي جوه لأني كنت ما بين ساسي تقيل وجنائي".

طارق النهري: لما جالي قرار العفو كان حلم بعيد ومكنتش متوقعه

واستكمل: بعد خروجي من السجن حياتي اتقلبت 180 درجة، لأني اتعاملت مع ناس مختلفة، واتقبض عليا لأن اسمي اتحط في مجموعة معين فيه منهم أخطأ وشيلنا الليلة معاهم ولما صدر الحكم كنت في حالة مش طبيعية، وأما دخلت السجن اتعلمت فلسفة تانية خالص، ولما جالي قرار العفو كام حلك بعيد ومكنتش متوقعه.

وعند بدايته في الفن، قال طارق النهري: دخلت صدفة ووبدأت الحكاية تحلو معايا والعجلة تدور، وكان ليا زميل كنا مع بعض صديق ابتدائي واعدادي وثانوي، وكنت بروح أقف كواليس في المسرح كانو بيقولولي متكلمش، كان زمان في حب يخلينا نشتغل بجد، والحاجات دي بقت دلوقتي محرمات، مع ان محدش بياخد رزق حد، الدنيا جميلة.

أخر أعمال طارق النهري 

يذكر، أن آخر أعمال الفنان طارق النهري، مشاركته في مسلسل  “طاقة نور” مع الفنان هاني سلامة، والذي عرض في دراما رمضان 2017،  وشارك في بطولته أيضا كلا من النجوم حنان مطاوع، إيهاب فهمي، أشرف عبد الغفور، جيهان خليل، وهيدي كرم، وخاض الفنان طارق النهري في مجال التاليف من خلال الشجعان، والأب الثائر، وأما عن مسيرته في المسرح فتالق في عدد من الاعمال المسرحية ومنها حظ نواعم، والغبي وأنا.