زعلت من لقب ملكة الإغراء وكانت زي أمينة مع سي السيد في البيت.. تصريحات ابنة هند رستم عن والدتها

فجرت بسنت رضا ابنة الفنانة هند رستم، عدد من التصريحات النارية عن والدتها الراحلة خلال حلولها ضيفة على برنامج معكم منى الشاذلي المذاع عبر قناة Cbc الفضائية.

أبرز تصريحات ابنة هند رستم في معكم منى الشاذلي

ويرصدها تحيا مصر خلال السطور التالية:

لم تكن تحب لقب ملكة الإغراء أبدا

أتضايقت أوي من اللقب دا واللي أداها هو الأستاذ مفيد فوزي وزعلت جدا لأنه كدا حددها فى دور

وهي أه ست جميلة والمخرج هو اللي بيطلب منها تلبس أيه ولكن خارج التمثيل هي مش كدا خالص

قامت بأدوار لم يكن بها أى إغراء ومفيد فوزي أعطي لقب سيدة الشاشة العربية لفاتن حمامة

ولهند رستم ملكة الإغراء وعلشان كدا أتضايقت أنه حصرها فى لقب وادى لحد تاني سيدة الشاشة العربية

كان هناك الكثير من الفنانين اللي كانوا غير راضيين عن موضوع الألقاب

اللي شجع والدتي على الإعتزال هو أني جيبت ابني وخلفت وكانت مبسوطة بالأسرة

لأنها اشتغلت وهي فى سن ال15 وكانت تريد أن تعوض سنواتها اللي فاتت مع أسرتها وحبت البيت جدا

تزوجت مرتين من والدها حسن رضا والثاني الدكتور محمد فياض

تعرفت على زوجها فى الأستوديو معرفتها به كانت لذيذة جدا

كان فيه أوتوبيس بيجي ياخد الفنانين وينزلهم علشان يمثلوا فشافها نازلة وقالتلهم فين أوضتي بصلها وأعجب بها وبشخصيتها

فضلوا مع بعض خمس سنوات ثم أنفصلوا وأبتدت فى تلك الفترة للفن وأصبحت شهيرة حتي تزوجت من الدكتور فياض فى الستينيات

الدكتور محمد فياض تزوجته زواجا تقليديا

في البيت ماما كانت زي أمينة ودكتور فياض سي السيد

كانوا بيحبوا بعض جدا مع إنهم اتجوزوا جواز صالونات عادي بس قعدوا 50 سنة مع بعض

يعني كان أونكل فياض يرجع م الشغل مثلًا الساعة 4 يبقى فورا مفيش صوت في البيت ولا دوشة وأوامره مجابة وهكذا

الثنائي ده كان حلو أوي أوي مع بعض