عاجل
الجمعة 02 ديسمبر 2022 الموافق 08 جمادى الأولى 1444
رئيس التحرير
عمرو الديب

نادية مصطفى عن محمد سلطان: كان حافظ القرأن وبيتأمل الأيات واللي محضرش عزاءه هلتمسله العذر

نادية مصطفى
نادية مصطفى

تحدثت المطربة نادية مصطفى عن سر غياب نجوم الفن للمرة الثانية من عزاء الموسيقار الراحل محمد سلطان، وذلك أثناء تواجدها في مسجد الحامدية الشاذلية.

تحيا مصر يرصد في ذلك التقرير تصريحات نادية مصطفى عن محمد سلطان في عزاءه

نادية مصطفى: كنت على تواصل مع محمد سلطان ديما وبعتبره أبويا

تحدثت نادية مصطفى عن مواقف الراحل محمد سلطان معها، فقالت: “بلتمس الأعذار اللي مجاش زي ما اتعلمت منه، هو انسان بكل ما تحمله الكلمة من معنى، هو مدرسة كبيرة في الفن والعطاء الفني والتاريخ الفني  سواء مع زوجته سامية أحمد او النجوم اللي اتعامل معاها، محمد سلطان سبب وجودي كفنانة، وسبب حب الناس ليا من أول حفلة بعد ما طلع قدمني بنفسه، احنا من بداية ظهور لحد قبل سفره كنت عنده وكنا على تواصل ديما مع بعض”. 

نادية مصطفى: هلتمس العذر للي مجوش عزاء محمد سلطان وهو كان محبوب من الجميع

وتابعت نادية مصطفى كاشفة عن تلقيها نبأ وفاة محمد سلطان وسبب غياب نجوم الفن عن عزاءه وجنازته، فقالت: “هلتمس الأعذار للي مجوش وأرجوا من ربنا انهم يجوا يوم الجنازة كنت مسافرة وقبل سافري بيوم كنت عنده، مديرة أعماله بعتتلي مسيدج على الواتساب انه توفى وخبر زي ده نزل عليا زي الصاعقة هو حاجات كتير جدا بالنسبالي، هو كان عارف ان نادية هتتصرف بس مكنتش موجودة، مصطفى كامل نزل هو والمجلس كله للمستشفى اللي راح فيها”.

واستكملت: “هو محبوب من كل الناس، وسميرة سعيد قالتي ان ابو ابنها توفى ومحدش يعرف الخبر ده ومحدش عارف الناس عندها اي، نبيلة عبيد سخنة وعندها حرارة”.

نادية مصطفى للرئيس السيسي: أتمنى يعمل كوبري بـ اسم محمد سلطان

وناشدت نادية مصطفى الرئيس عبد الفتاح السيسي بعمل كوبري أو مدينة بـ اسم الراحل محمد سلطان، معللة: “محمد سلطان ادى لمصر فن محترم ومش مبتذل في كلماته وكان بيخاف على اسم مصر جدا، وبوجه نداء للرئيس عبد الفتاح السيسي،  نفسي تعمل كوبري بـ اسمه أو مدينة ”.

وعن وفاة محمد سلطان، فقالت: “ميت بدون أمراض، واستغرب من الكلمة دي، واحنا ديما بنقعد نتكلم في حاجات كتير كان بيقعد يتأمل الأيات ويشرحلي فيها ويقولي أدعية كتير ويقولي احفظيها”.

 

تابع موقع تحيا مصر علي