عاجل
الثلاثاء 29 نوفمبر 2022 الموافق 05 جمادى الأولى 1444
رئيس التحرير
عمرو الديب

هاني شاكر عن محمد سلطان: إنسان في صورة ملاك وكنت حاسس اني مش هشوفه تاني

هاني شاكر
هاني شاكر

حرص الفنان هاني شاكر على نعي الموسيقار الراحل محمد سلطان بكلمات مؤثرة، وذلك على هامش عزاءه، الذي أقيم اليوم في مسجد الحامدية الشاذلية بحضور عدد قليل من نجوم الفن.

تحيا مصر يرصد في ذلك التقرير تصريحات هاني شاكر عن محمد سلطان

هاني شاكر عن محمد سلطان: فنان كبير افتقدنا وسابلنا تراث كبير في وجداننا

قال هاني شاكر في تصريح خاص لـ موقع تحيا مصر، ناعيا الموسيقار محمد سلطان: “فنان كتير افتقدناه، وربنا يعوضنا عنه خير ويرحمه ويدخله فسيح جناته، والحقيقة هو سابلنا تراث كبير نفتكره بيه وعايش في وجدنا لحد النهاردة، ربنا يرحمه ويديله على قد حبنا ليه، وقد ما كان ملاك ماشي على الأرض، عمري ما شوفته بيغلط في حد او بيتكلم على حد وحش، وهو انسان في صورة ملاك قاعد وسطينا”.

وعن اخر تواصل بينه وبين الراحل، قال هاني شاكر:أخر تواصل  بيني وبينه من شهر، واتقابلنا في مكان بالصدفة ووقتها مكنتش عارف ممكن اشوفه تاني ولا لا ربنا يرحمه.

أخر لحظات في حياة محمد سلطان

وكشفت الفنانة نادية مصطفى أخر لحظات في حياة محمد سلطان، فقال: “ميت بدون أمراض، واستغرب من الكلمة دي، واحنا ديما بنقعد نتكلم في حاجات كتير كان بيقعد يتأمل الأيات ويشرحلي فيها ويقولي أدعية كتير ويقولي احفظيها”.

وتابعت: مديرة أعماله بعتتلي مسيدج على الواتساب انه توفى وخبر زي ده نزل عليا زي الصاعقة هو حاجات كتير جدا بالنسبالي، هو كان عارف ان نادية هتتصرف بس مكنتش موجودة، مصطفى كامل نزل هو والمجلس كله للمستشفى اللي راح فيها.

نادية مصطفى: كنت على تواصل مع محمد سلطان ديما وبعتبره أبويا

و تحدثت نادية مصطفى عن مواقف الراحل محمد سلطان معها، فقالت: “بلتمس الأعذار اللي مجاش زي ما اتعلمت منه، هو انسان بكل ما تحمله الكلمة من معنى، هو مدرسة كبيرة في الفن والعطاء الفني والتاريخ الفني  سواء مع زوجته سامية أحمد او النجوم اللي اتعامل معاها، محمد سلطان سبب وجودي كفنانة، وسبب حب الناس ليا من أول حفلة بعد ما طلع قدمني بنفسه، احنا من بداية ظهور لحد قبل سفره كنت عنده وكنا على تواصل ديما مع بعض”.

تابع موقع تحيا مصر علي