عاجل
الخميس 08 ديسمبر 2022 الموافق 14 جمادى الأولى 1444
رئيس التحرير
عمرو الديب

دعاء فاروق: بلبس البوركيني على البحر والعبايات في رمضان ومفرضتش طريقة لبسي على حد

دعاء فاروق
دعاء فاروق

حرصت الإعلامية دعاء فاروق الرد على الانتقادات التي تعرضت لها بسبب ملابسها، وبعض التمصيمات التي تعرضها على صفحاتها، مشيرة إلى أنها حرة في ارتداء ما تريد ولا تفرض أزيائهم على أحد.

تحيا مصر يرصد في ذلك التقرير تصريحات دعاء فاروق لـ منتقديها

دعاء فاروق: بلبس البوركيني على البحر وجامب سوت في النادي

كتبت دعاء فاروق عبر حسابها الرسمي بموقع التواصل الإجتماعي “فيسبوك”: “تعودت منذ بداية حجابي علي تغيير ستايل لبسي في كل مكان بشكل يناسب المكان أرتدى في العمرة ورمضان والمساجد والصلوات عبايات ارتدى في النادى مع الأولاد ترينينج سوت او جامب سوت أرتدى في البرنامج تايورات وكارديجان وجاكتات وبدل وفساتين  وأشكال مختلفة من الستايلات.. ارتدى في الافراح فساتين سواريه او بدل سواريه”.

وتابعت:.ارتدى عالبحر بوركيني وعليه كاش شيفون واسع وساعات أحب ألبس فساتين واسعة عالبحر .. أرتدى في البيت بيجاما وحينما افتح الباب للأغراب ألبس إسدال عليها ... لا اخرج بالاسدال ولا ارتدى عبايات طوال الوقت .. أجد راحة في ارتداء ما يناسبني ويناسب المكان ألبس اللي يريحني ويناسبني ولا أفرضه علي أحد".

دعاء فاروق: كل الناس بتلبس كدة أنا مش جاية من المريخ

ووجهت رسالة صارمة لمنتقديها، قالت فيها: ما الذى يدفع البعض للدخول فيا شمال طول الوقت بسبب لبسي ؟! أنا عايشة عمري كله بلبس كده عادى ... هو انا عجبة ؟ يعني اللي بقوله ده وتصنيفة الهدوم دى عجبة؟ مش الناس بتلبس كده ولا انا هبطت من كوكب المريخ بقرون وديل ولابسة افاتار عشان  كل صورة انزلها خاصة بالشغل والعارضين اللي بعرض لهم تصميماتهم لازم اتقطم بكلمتين من بتوع بتتغيري وبتنزلي وبتطلعي وحجابك بيقل وشكلك ومنظرك و فيه نقطة اسفل الدقن تندب فيها رصاصة.. وفيه سن نملة الدبانة.. وفيه صابع مطرطق من الصندل طول الصيف جايب لي الكافية اوديه فين طيب؟

دعاء فاروق: صلوا على النبي واستغفروا كل ما اضايقكم بلبسي

واضافت: ادينا بنلمه بشراب في الشتا اللي هو شهرين بس.. عشر شهور حر مبعرفش البس شرابات في الصيف ..  بتضرب صهد في النافوخ عدل .. اخبيك فين يا صابعي  سيبوا صابع رجلي في حاله .. صلوا علي النبي يا جماعة واستغفروا الاستغفار بيجلب الرزق والله .. جربوه كده كل ما اضايقك بسن نملة الدبانة او صابع رجلي او طرطوفة ودني  استغفري علي طول والله ابرك من مليون تعليق .. ربنا هيرزقك والله من وسع وهيفتحها عليكي  (استغفروا ربكم انه كان غفارا) .. استغفر الله العظيم من كل ذنب عظيم.. ربنا يرزقنا ويرزقكم  من وسع يا رب".

تابع موقع تحيا مصر علي