عاجل
الخميس 08 ديسمبر 2022 الموافق 14 جمادى الأولى 1444
رئيس التحرير
عمرو الديب

راندا البحيري عن عدم دعوتها لحضور مهرجان القاهرة: عايزين يموتوني بالحيا بس أنا كبيرة عند نفسي وهما الخسرانين

راندا البحيري
راندا البحيري

أعربت الفنانة راندا البحيري عن استيائها واستغرابها من عدم دعونها لحضور مهرجان القاهرة السينمائي الدولي، وذلك من خلال منشور لها عبر حسابها الشخصي على موقع التواصل الاجتماعي “فيسبوك”.

تحيا مصر يرصد تفاصيل تعليق راندا البحيري على عدم دعوتها لحضور مهرجان القاهرة

حيث كتبت راندا في منشورها: “بحب بلدي وهفضل أحبها .. بلدي ماشية في دمي وجوا قلبي من سنوات وإلى الآن مثلت بطولات وأفلام كتير جداً”.

وتابعت: “زمان بقى كنت أقرا دايماً مانشيت في مُعظم الجرايد والمجلات مكتوب ((غياب نجوم السينما عن مهرجان السينما)) وكنت بسمع بوداني إشادة بيا وبكام زميل يتعدوا على صوابع الإيد الواحدة.. اللي كنا بنروح سنوياً ندعم مهرجان بلدنا … من ((قلبنا)) و الدليل أنه من قلبنا أن مكانش فيه سوشيال ولا ترند ولا حاجة بتحصل أما بنحضر ولا مثلا بناخد فلوس ولا بناخد شهرة احنا بس بنروح علشان نقف جنب مهرجان بلدنا اللي كان دايماً بيتعمل في الاوبرا المصرية”.

راندا البحيري تعلق على عدم دعوتها لحضور مهرجان القاهرة

وأضافت: “وعلى الناحية التانية كان فيه ممثلين مبيروحوش مهرجان بلدهم ده وبيهتموا جداً بمهرجانات منافسة في بلاد معندهاش سينما بس علشان هياخدوا فلوس كتير لما يروحوا و كانوا بيروحوا جري وكنت برفض علشان بلدي”.

واستطردت: “المهم .. ٢٠٠٤ .. ٢٠٠٥ ..٢٠٠٦ وهكذا وكتير أوي من السنين كنت منتظمة في الحضور والندوات وغيره.. لحد ما القائمين على المهرجان إتغيروا وهوب من ساعتها إتقطعت الأخبار والعنوان الحالي اللي هو نفسه العنوان القديم اللي كان بييجي عليه الدعوات لسه موجود ومبيجيبش عليه أي دعوات .. زي ما يكون حد جه تدخل ومسح اسمي من المدعويين”.

راندا البحيري: أنا عند نفسي كبيرة

ثم أكملت راندا البحيري منشورها قائلة: “عموماً هو ريحني من وجع قلب الماكياج والشعر واختيار فستان مناسب ولائق للحدث.. وبجد بجد أنا عند نفسي كبيرة أوي أوي وأي مكان مش عايزني هو اللي خسران والله هو اللي خسران مش أنا … و ده حصل من سنين كتير أوي وأنا عمري ما بروح مكان مش معزومه عليه ولا بروح مكان من غير دعوة علشان كده عمري ما هروح”.

وتابعت: “والبوست ده مش علشان هم يعرفوا أن مبيجيليش دعوة لا البوست ده ردا على كل الناس اللي بتقول انت ليه مبتشتغليش أو ليه مش موجودة.. علشان الدنيا كده .. أنت لو مصاحب الكل ولذيذ وعسل هتبقى موجود ولو مش مصاحب الكل حقك هيتاخد”.

راندا البحيري: كفاية أني عاملة 500 عمل فني

وأضافت: "أنا كفاية عليّ اني عامله اكتر من ٥٠٠ عمل فني و ممكن اكتر  بين اقل من ١٠٠ فيلم سينمائي و و اكتر منهم مسلسلات اذاعية و تليفزيونيه و مسرح و مشاريع تخرج و دوبلاچ 
مثلت كتير جدا. و مثلت ادوار كتير بجد التاريخ هيفتكرها".

تابع موقع تحيا مصر علي