حسن أبو الروس يكشف حقيقة طرد حسين فهمي له من مهرجان القاهرة ويتحدث عن أعماله الفنية المقبلة

كشف الفنان حسين أبو الروس عن حقيقة طرد حسين له من مهرجان القاهرة السينمائي بسبب ملابسه، كما تحدث أبو الروس عن أعماله الفنية خلال الفترة المقبلة، وكشف عن تطورات شخصية الشيخ أباظة في مسلسل ريفو الجزء الثاني.

تحيا مصر يرصد لكم تصريحات الفنان حسن أبو الروس

وقال أبو الروس خلال لقائه في برنامج إي تي بالعربي: كنت بدور أعمل حاجة غير اللي عملتها قبل كده ولو لبست عادي قولت هيبقى حاجة جديدة، وأنا باخد وقت كبير جدا في تحضير الملابس لأن حتى لو هلبس شيك او لبس ايلى حد ما طبيعي او عادي بدور اني اكون مختلف ومش سهل القي حاجات مختلفة.

وكشف: في اشاعة أن حسين فهمي طردني من المهرجان عشان لبسي وانا رجعت اغير لبسي وروحت المهرجان تاني أنا مش عارف هلحق اغير أمتى والكلام ده كله مش حقيقي وانا بشوف الحاجات دي وبضحك.
واستكمل: حسين فهمي انا بحترمه جدا وبحبه جدا وعلى علاقة شخصية لذيذة مع بعض وهو بيحتوي كل الفنانين  وهو متكلمش معايا في موضوع اللبس خالص.
وأضاف: مش عارف ازاي الناس تخيلوا ان استاذ حسين فهمي يعمل كده ويصدقوا لكن هو بصراحه ملهوش اي دعوة بالموضوع.

حسن أبو الروس: أقدر أعمل كذا شخصية مش الكوميدي والشعبي بس

وقال أبو الروس أنه من خلال ملابسه سيعكس للمخرجين في السينما أنه يستطيع تقديم العديد من الأدوار وقال: أقدر أعمل كذا نوع مش بس الكوميدي او الشعبي اللي انا عملته، وكمان اللوك اللي فات يشجعهم كشغل ان يفتحلي مجال وادوار اكبر.

وعن دور الشيخ أباظة الذي يقدمه حسن أبو الروس في مسلسل ريفو الجزء الثاني قال: الشيخ أباظة هيتعرض لأوجاع كتير أوي.

حسن أبو الروش يشارك في مسلسل بطن الحوت

كما كشف أبو الروس أنه سينافس في رمضان الموسم المقبل وذلك من خلال مسلسل بطن الحوت وكشف أبو الروس عن طبيعة شخصيته في المسلسل وقال: شخصيتي هتبقى مختلفة شوية وهيبقى فيها الطابع الشعبي وطبعا فيها طابع الشعب المصري لكن هيبقى مختلف شوية عن شخصيتي في مسلسل ب 100 وش ، وسبب الاختلاف هو المخرج أحمد فوزي لأنه حابب يطلع الشخصية بطريقة جديدة .

كما سيشارك حسن أبو الروس في السينما وذلك من خلال فيلم مع الفنان محمد رمضان وقال: هيبقى شخصيتين وكل شخصية منهم ليه الصاحب المقرب ليه بعالمين مختلفين وأنا في عالم واحد منهم هكون الشخصية لامقربة ليه وهبقى مغني شعبي .
وعن انضمامه لفيلم هيصة قال: الفيلم بيتكلم عن الكورة شوية والمعاناة بتاعت الشباب اللي بتلعب كورة في الشارع وبتلم فلوس منها وده رزقهم وأكل عيشهم .

حسن أبو الروس يكشف أعماله الغنائية المقبلة

وعن اعماله الغنائية كشف أبو الروس أنه يحضر خلال الفترة الحالية لعمل غنائي جديد مختلف وسيكون بلغة مختلفة وسيكون مع الموسيقار محمد يحيى وسيكون برفقة مطربة غير مصرية ولكنه رفض الإفصاح عن اسمها.