عاجل
الخميس 08 ديسمبر 2022 الموافق 14 جمادى الأولى 1444
رئيس التحرير
عمرو الديب

امال داخل محكمة الأسرة : جوزي بيفرج عيالي علي أفلام إباحية وبيجبرهم يشحتوا في الشوارع

صورة الزوجة
صورة الزوجة

" جوزي خطف عيالي مني وقعدهم مع مراة أبوهم وكان بينام معاها قدامهم" بتلك الكلمات روت امال في بث مباشر لتحيا مصر من داخل محكمة الأسرة عن زوجها الذي أنجبت منه 3 أطفال وقام بإستغلالهم لينفقوا هم عليه من خلال التسول في الشوارع كما عرضهم أيضا لإيذاءات نفسية أخري كثيرة .

تحيا مصر

خطف عيالي بعد الطلاق وأتجوز عليا 

بدأت امال حديثها لتحيا مصر :" أتطلقت من جوزي من 16 سنة بسبب عمايله السودة وأنه راجل ميتعاشرش جيبت منه بنتين وولد وأكبرهم دلوقتي عنده 20 سنة بعد طلاقي منه عملت حادثة ورجلي أتصابت فيها ومبقيتش قادرة علي الحركة ولا قادرة علي أني أخدم عيالي حتي راح هو أستغل اللي حصلي وخد مني عيالي ووقتها كانوا لسة صغيرين وقالهم " هاخدكم تعيشوا معايا ومع مراتي الجديدة اللي هتشيلكم فوق راسها بدل أمكم اللي مبقيتش عارفة تخدمكم بس بشرط الي هقولكم عليه تنفذوه ".

كان بيفرجهم علي أفلام إباحية وبيلمس مراته قدامهم 

وتابعت امال حديثها :" بعد ما خد مني عيالي وراح عيشهم مع مراته التانية كانت بتضربهم وتبهدلهم علي أتفة الأسباب وخصوصا بناتي الأتنين وهو كان بييجي بليل قدام عيالي يفتح مواقع إباحية علي التليفزيون وعلي جهاز كمبيوتر بفلاشة ولما عيالي يسألوه " أية ده يا بابا اللي أنت بتتفرج عليه وميصحش كدة ؟ " مكنش يرد علي كلامهم ويقعد كمان مع مراته التانية قدام عيالي ويلمس مناطق حساسة في جسمها بشكل مش كويس ".

أجبرهم يشحتوا في الشوارع ودخلهم مدراس دمج علي اساس أنهم معاقين 

وأستكملت :" أجبر عيالي يشحتوا في الشوارع رغم أنه بيشتغل وبيكسب فلوس وكان بيلبسهم هدوم مقطعة ويمشيهم حافيين عشان الناس تتعاطف معاهم وتديهم فلوس وبالفعل كانوا بيرجعولوا في اليوم الواحد بألف وألفين جنية ولما كانوا بناتي وهما بيشحتوا يتعرضوا لمعاكسات من الشباب في الشارع وبناتي عشان محترمين كانوا بيمشوا ومبيردوش علي حد  كان أبوهم بيضربهم وبيبهدلهم عشان مرجعوش بالمبلغ اللي هو عايزه ووصل بيه الموضوع كمان انه دخل عيالي مدارس دمج وزور أوراق أنهم معاقيين ذهنيا ووداهم لدكتورة وقالهم " لما تسألكوا علي أي حاجة جاوبوا غلط يعني مثلا لو شاورتلكم علي الباب وقالتلكم أية دة ؟ قولولها كرسي والكوباية قولولها معلقة ولو معملتوش كدة هضربكم لحد ما تموتوا في أيدي " والعيال من خوفهم منه سمعوا كلامه ودخلوا مدارس دمج ومبقاش يصرف عليهم جنية ".

رجعت عيالي بالقانون ومستنية النفقة 

وأختتمت حديثها :"وكلت محامي رفعلي قضية وخدت عيالي منه بالقانون ورجعوا تاني يعيشوا معايا بعيد عن شر أبوهم ورفعت قضية تانية نفقة عشان يصرف علي عياله التلاتة أنا حاولت أشتغل وبقيت بعمل " كروشية يدوي " في البيت وأبيعه عشان مبقدرش أمشي علي رجلي وأشتغل برة البيت وأملي في ربنا في القانون كبير أن يجيلي حقي وحق عيالي في أسرع وقت ".

تابع موقع تحيا مصر علي