عاجل
الثلاثاء 29 نوفمبر 2022 الموافق 05 جمادى الأولى 1444
رئيس التحرير
عمرو الديب

كاملة أبو ذكري تكشف عن حقيقة وجود جزء ثاني من مسلسل بـ 100 وش

كاملة أبو ذكري
كاملة أبو ذكري

تحدثت المخرجة كاملة أبو ذكري كواليس مسلسل بـ 100 وش والذي حقق نجاحًا كبيرًا وكشفت عن إمكانية عمل جزء ثاني منه.

تحيا مصر يرصد لكم عن حقيقة عمل جزء ثاني من مسلسل بـ 100 وش

وقالت كاملة خلال لقائها عبر برنامج the insider: بـ 100 وش بالنسبالي عمل بحبه جدًا من حب الناس فيه ومن النجاح اللي حصل.

وتابعت: يارب تجيلي الفرصة إني أعمل كوميدي تاني، لأني اكتشف أن هي حاجه حلوة جدًا والعمل الكوميدي بيبقى متعوب عليه في الاخراج والانتاج والتمثيل والسيناريو، ومش استسهال خالص.


وأضافت: رد فعل الجمهور بسطني جدًا والناس قالتلي انتي ضحكتينا وقت الكورونا وحسيت اني عملت خير مش مسالة عمل فن بس، لأني ضحكت الناس وهما في حالة نفسية سيئة.
كما كشفت عن إمكانية عمل جزء ثاني من العمل وقالت: كنت أتمنى أعمل فيلم من مسلسل 100 وش لكن للاسف مش هيحصل خلاص لأن حصل خطة محكمة عشان الموضوع ده يتنفذ.

أحداث مسلسل بـ 100 وش

مسلسل بـ مية وش تدور أحداثه حول سكر - نصابة محترفة - يتم النصب عليها من قِبل عمر - نصاب محترف ايضًا - لتدخل في صراعات معه لإعادة أموالها، ثم تقرر الاتحاد معه للقيام بعمليات نصب اكبر.

أبطال مسلسل بـ 100 وش

ويضم مسلسل بـ 100 وش عدد كبير من نجوم الفن ومنهم: مصطفى درويش، شريف دسوقي، دنيا ماهر، زينب غريب، نيللي كريم وآسر ياسين، واسلام ابراهيم، وعلا رشدي، ، حسن أبو الروس، سلوى محمد، وحنان يوسف، ولؤي عمران، وهو من إخراج كاملة أبو ذكرى وتأليف أحمد وائل وعمرو الدالي

وسبق وتحدثت كاملة أبو ذكري عن رغبتها في اقامة عمل فني يتحدث عن الرجل وقالت: الراجل عنده مشاكل كتير جدا، كفايا انه دلوقتي مش عارف هيصرف منين وأنا  شايفة ان الست لو متهانة في المجتمع يبقى الراجل هو كمان متهان، وبفكر اعمل حاجات خاصة كتير بالرجالة لان هو كمان مخنوق وعايز يعيش حر، عايزة اتكلم عن الراجل المقهور كفايا كلام عن الست بقى.

كاملة أبو ذكرى: اتعلمت من والدي الشجاعة والكرامة

وتحدثت كاملة عن علاقاتها بوالدها والصفات التي اكتسابتها منه وقالت: ابويا سابلي حاجات كتير اوي هو وأمي، وأنا لو بدعي اني بشتغل بضمير فهيبقى بسببه هو، لأنه هو بيشتغل بضمير مش حب في الفلوس لكن عشان حبه للبلد، وعملني الشجاعة ونفسي في ربع شجاعته لأن أنا اجبن منه كتير وهو مكنش بيخاف غير نم اللي خلقه، والكرامة وحاجات كتير.

تابع موقع تحيا مصر علي