عاجل
الجمعة 09 ديسمبر 2022 الموافق 15 جمادى الأولى 1444
رئيس التحرير
عمرو الديب

باسم سمرة عن فيلم احاسيس: مندمتش عليه ودوري كان مؤثر

باسم سمرة
باسم سمرة

عبر الفنان باسم سمرة عن رضائه بدوره في الفيلم الجرئ أحاسيس، وذلك خلال حواره ببرنامج حبر سري مع الإعلامية أسما إبراهيم. 

تحيا مصر يرصد لكم رضاء باسم سمرة بدوره في فيلم أحاسيس 

باسم سمرة: مندمتش عليه وعملته بدل أحمد عزمي 

وقال باسم سمرة: مندمتش عليه، وانا ممثل بعمل شخصيات مختلفة وكنت مؤثر، واحمد عزمي هو اللي كان بطل الفيلم ومراته ساعتها قرت الورق وكانت بتغير عليك ومرضيتش، وعملته عشان انا مقتنع اني بعمل فن، وأنا مسيطر مع مراتي.

أزمة باسم سمرة وأحمد السقا 

وقد أوضح باسم سمرة تفاصيل خلافه مع الفنان أحمد السقا ومخرج فيلم الجزيرة، حيث قال باسم سمرة: “العمل كله بيبقى تحت اشراف المخرج، ومتسرعتش وهما عملولي أزمة ومشاهد محدش كان يقدر يعملها، وكنت بخاطر حياتي ونفسي وفي النهاية اتشال، ومازلت نفسيتي تعبانة لحد دلوقتي وكان في استهانة”.

وتابع: “ويشكر إنه قال مليش دعوة وأنا بحبه، والمهم إن هو والمخرج يبقوا فهموا عشان شغلي اتشال وأنا في يوم العرض”.

باسم سمرة وحياته الشخصية 

وفي الحلقة ذاتها تحدث الفنان باسم سمرة عن حياته الشخصية، حيث قال: “مقبلش اطلع بنتي رحلة لوحدها.. وأبويا وأمي اكتر ناس بحبهم في حياتي، وحياتي الخاصة مبحبش ادخلهم في الميديا، ودول أحسن ناس، وعملت معاهم فيلم صبيان وبنات.. فاكر من ابويا الكرم والخير وسواقة النقل التقيل، وكان دايما يقولي الله يصلح حالك”.

باسم سمرة: تحول البلوجرز لممثلين قلة أدب 

كما تحدث الفنان باسم سمرة عن تجربة تحول مشاهير السوشيال ميديا لممثلين، وقال: لا تستحق،عشان في دراسة وفي معهد عالي للسينما، والسوشيال ميديا لا اقتنع بيها، ودي قلة أدب والمخرج المحترم عمره ما يروح للبلوجرز ولو لاقيت حد منهم جنبي وانا بصور همشيه.

كما كشف باسم سمرة عن تفاصيل أزمته مع الفنانة رحاب الجمل بالتفاصيل، قائلًا: مكنتش هصالحها، عشان بحترم أشرف زكي ولذلك كبرته، هو للأسف الموضوع تريند، ومرة شوفتها في برنامج فـ اتكلمت عليا وانا اتضايقت، وانا مش هقدر اتكلم عليها وهي مش موجودة، لأنها ست.

تابع موقع تحيا مصر علي