عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

تامر عاشور: معرفش الحزن ده جايلي منين وكان أمنية حياتي ألحن لـ محمد فؤاد

تامر عاشور
تامر عاشور

حل الفنان تامر عاشور ضيف على برنامج “أنغام”، المذاع على قناة dmc، وتخوض به المطربة أنغام تجربة تقديم البرامج لـ أول مرة، والذي كشف خلاله عدد من التصريحات عن عمله في مجال التلحين.

تحيا مصر يرصد في ذلك التقرير تصريحات تامر عاشور في برنامج أنغام

تامر عاشور في أنغام

قال تامر عاشور خلال البرنامج: ديما ألبومي بيكون فيه ناس جداد مش معروفين كتير عشان بحس انه فيهم حماس مش موجود، ومش بيسمعوني اي حاجة ومش بدخل في شغلهم.

وتابع: كان أمنية حياتي اني الحن لمحمد فؤاد وأما عملت معاه حاجة نجحت، ومحمد فؤاد لامس الشارع.

نجوم لحن تامر عاشور أغنياتهم

وتحدث تامر عاشور عن النجوم الذي عمل معهم ولحن لهم أغنيتهم المختلفة، فقال: اشتغلت مع عامر منيب عملت ليه أغنية نفسي اقولك على اللي ليا، وأغنية في الغواص كانت لحني، عامر نجم معروف ومحبوب على المستوي الفني والشخصي.

وأضاف: لحنت لـ عامر منيب وفضل شاكر وشيرين واليسا عملتلها هيلف يلف ويرجعلي، ووزعتلها أغنية.

وعن النجوم الذي أحب العمل معهم، قال تامر عاشور: وليد سعد ومحمد فوزي والجمل اللي بيعملها مش طويلة بس لا يمكن ميكونش فيها فكرة سواء في اللحن او الكلمة، وكنت يستغرب ازاي دي حاجات قديمة، وأنا بحب بهاء سلطان جدا، وحماقي ومحمد فوزي من المؤثرين فيا وخدت منه كتير.

تامر عاشور: معرفش الحزن ده جايلي منين ومعشتش حاجة في حياتي مأسوية

وعن سبب تركيزه على الأغاني الحزينة، فاوضح: الحزن اللي بيكون في أغنياتي ده مش عارف من ايه ومفيش أي حاجة في حياتي مأسوية وكنت طفل طبيعي والحتة دي بالذات مش عرفلها سبب، بس هو لاين معين بحبه وبحسني فيه.

أغنية هتوحشنا أخر أعمال تامر عاشور

وكانت أخر أعمال الفنان تامر عاشور أغنية “هتوحشنا”، اذ أتت كلماتها: إنت ليه محسسني إنك صاحب الأفضال عليا وإني بشحت حب منك وإنت يعني بخيل شوية فوق كدا وبلاش لساني مش هتسلم من الأذية إنت ليه محسسني إنك صاحب الأفضال عليا وإني بشحت حب منك وإنت يعني بخيل شوية فوق كدا وبلاش لساني مش هتسلم من الأذية هتوحشنا هتوحشنا فضينا السيرة ودشدشنا ورا ضهرك قلة ولا عطشنا ممنوع تدخل عندنا تاني لو حتى هتيجي تمعلشنا هتوحشنا هتوحشنا ده إحنا الأرض بورد فرشنا لما مشيت روقنا وفرفشنا لمينا ورقتك قطعنا قفلنا المشهد فركشنا إنت مين قالك هتفلح لما تنكر في الجمايل إنت فعلاً نجم مسرح في الكلام والكذب هايل باب قديم ومالكش قيمة حيط مالكش أساس ومايل إنت مين قالك هتفلح لما تنكر في الجمايل إنت فعلاً نجم مسرح في الكلام والكذب هايل باب قديم ومالكش قيمة حيط مالكش أساس ومايل هتوحشنا هتوحشنا فضينا السيرة ودشدشنا ورا ضهرك قلة ولا عطشنا ممنوع تدخل عندنا تاني لو حتى هتيجي تمعلشنا هتوحشنا هتوحشنا ده إحنا الأرض بورد فرشنا لما مشيت روقنا وفرفشنا لمينا ورقتك قطعنا قفلنا المشهد فركشنا هتوحشنا هتوحشنا فضينا السيرة ودشدشنا ورا ضهرك قلة ولا عطشنا ممنوع تدخل عندنا تاني لو حتى هتيجي تمعلشنا هتوحشنا هتوحشنا ده إحنا الأرض بورد فرشنا لما مشيت روقنا وفرفشنا لمينا ورقتك قطعنا قفلنا المشهد فركشنا هتوحشنا هتوحشنا.

تابع موقع تحيا مصر علي