راندا البحيري بعد حضورها حفل جورج وسوف: كان حلمي أقابله

شاركت الفنانة راندا البحيري جمهورها كواليس حضورها حفل جورج وسوف الذي أقيم في اسكندرية مساء أمس.

تحيا مصر يرصد لكم كواليس حضور راندا البحيري حفل جورج وسوف 

ونشرت راندا صورة عبر حسابها الشخصي بموقع التواصل الاجتماعي فيسبوك برفقة جورج وسوف وكتبت: من أحلي أيام حياتي عمري ما بنسي ((دول مش حبايب)) و ((كلنا مجاريح )) و ((يوم الوداع)) و((حبيت ارمي الشبك)) و غيرهم كتييير اوي من تاريخ ابو وديع السلطان و طبعا قبل كل دول اغنيتين المفضلتين ((روحي يا نسمه)) و ((حلف القمر)) .

واضافت: كنت طفله مبحبش حد غير چورچ بنام و اصحي أحلم إني هقابله.. طبعاً زمان كانت كل حاجه  أصعب من دلوقتي ولا فيه فيس بوك ولا حتي موبايل علشان اعرف مكانه او احاول ادور عليه .. كان حلمي حلمي اني اقابله .. لدرجة اني كنت بحلم كتير اني قابلته و أصحي أحكي لأهلي.

وتابعت: حب عمري .. حب الطفوله و المراهقه و الشباب و لحد الإدراك و سني الحالي .. حلمي إتحقق و شوفتك يا چورچ .

راندا البحيري: بحبك يا أبو وديع

واستكملت: بحبك يا ابو وديع ربنا يمد في عمرك و يديلك من فضله و يديلك كل اللي بتتمناه و يخليك الي بيحبوك و يخلهم ليك يارب اللهم آمين ويباركلنا في عمرك و صحتك

واختتمت: بكره هنزل لكم فيديوهاتنا سوا باذن الله و فيديوهات الحفله و حاجات حصري لينا هنا كتير.

حفل جورج وسوف 

وأقام الفنان جورج وسوف أمس حفلا غنائيا بالإسكندرية وشهد الحفل حضور عدد كبير من الجماهير، وقدم وسوف عدد من أغانيه القديمة والجديدة والتي تفاعل معاها الجمهور.

وقدم جورج عدد كبير من أغانيه ومنها: بياعين الهوا ، مافيش حساب، كلام الناس، طبيب جراح، عيون القلب ،سلف ودين، صابر وراضي وغيرها.

أخر اعمال جورج وسوف 

يذكر أن أخر أعمال المطرب جورج وسوف طرحه لـ أغينة “يا ع الزمن” التي حققت الملايين مشاهدات عبر موقع الفيديوهات الشهير يوتيوب، اذ  أتت كلماتها: “ ياه ع الزمن والدنيا واللي بتعمله ليه الحياة بتخلي ناس يتبدلو ع العشرة دي كان اللي شاهد ربنا ده ماقالش حتى كلمة حلوه ف حقنا.. حبة عذاب محتاج سنين عشان يلم ونقفله.. كان وعدنا حبه كلام.. وياريته دام أخر الطريق غير اللي بانلي ف اوله.. الوعد معنى وناس كتير بتردده ومايعرفوش قيمته.