حسن الرداد عن والدته: كان روحي فيها ومش قادر أصدق انها ماتت

أعرب الفنان حسن الرداد عن شدة تأثره بوفاة والدته، مشيرا إلى أنه كان يكن لها كل الحب ومتعلق بها بدرجة كبيرة تصل به إلى عدم تصديق وفاتها حتى الأن وحتى نهاية عمره.

تحيا مصر يرصد في ذلك التقرير تصريحات حسن الرداد عن والدته

حسن الرداد: أمي كانت منبع للطيبة وعمرها ما زعلتني

وقال حسن الرداد خلال لقائه في برنامج “صاحبة السعادة”، الذي تقدمه الإعلامية اسعاد يونس على قناة dmc:  وكل الناس عندها امهتنا حاجة كبيرة، والناس اللي عاشروا امي عندهم هي مميزة جدا، هي عمرها ما زعلتني في حاجة أو ضايقتني بكلمة وديما هي اللي تصالح، هي منبع للطيبة والكرم ومجاملة لحد كبير، كانت فيضان حب وياما استحملت عشاني.

حسن الرداد: الموت بيبقى مؤلم طول العمر

وتابع حديثه، قائلا: هي اللي خلتني امثل عشان كان عندي انيهار بعد وفاة ولدي وأخويا، أنا جربت حاجات كتير اوي في الموت ولقيته كله مش شبه بعض وبيبقى مؤلم طول العمر.

وأضاف خلال حديثه عن والدته: أنا روحي في أمي وأهم حاجة في الحياة هي العيلة بعد كدة بتيجي اي حاجة تانية، أنا استخسر انزل من البيت اقعد ساعة وأنا ممكن أقعهدها مع ماما، وكنت متعلق بيها لدرجة كبيرة أمي كانت صغيرة روحها مبتكبرش خالص وهي معايا طول الوقت، كانت صديقة ولذيذة ودمها خفيف وصوت العقل ومتواضعة. 

حسن الرداد: بعد وفاة أبويا وأخويا رميت نفسي في حضن أمي وأختي ومش قادر اصدق انها ماتت

حسن الرداد: بعمل صدقات لـ امي بدون ما اقتنع أنا عارف ان الموت علينا حق بس أنا مش قادر أصدق وهفضل كدة طول العمر، السعادة قرار والحزن رفاهية، وأنا بعد وفاة ابويا واخويا رميت نفسي في حضن امي وأختي.

من ناحية أخرى، يعد أخر أعمال حسن الرداد مشاركته في فيلم “تحت تهديد السلاح”، إلى جانب كلا من شيرين رضا، عمرو عبد الجليل، مى عمر، بيومي فؤاد، عباس أبو الحسن، هلا السعيد، جورى بكر، أحمد بدير، وعدد آخر من الفنانين، وحقق نجاحات ساحقة في السينمات المصرية والعربية.