بسبب صاحب واقعة الكشري.. عمرو محمود ياسين يهاجم الصحفيين: احترموا الناس اللي بتتفرج على الجنون ده

وجه السيناريست عمرو محمود ياسين رسالة شديدة اللهجة للعاملين في مهنة الصحافة، وذلك بسبب تسليطهم الضوء على عامل النظافة صاحب واقعة كشري التحرير بشكل مستمر، مشيرا إلى أن هذا يعد عدم احترام لعقول المتفرجين والمهنة.

تحيا مصر يرصد في ذلك التقرير سبب هجوم عمرو محمود ياسين على الصحفيين

عمرو محمود ياسين للصحافة: مش بتتكسفوا من نفسكم وانتوا بتجروا ورا بتاع الكشري

كتب عمرو محمود ياسين على حسابه الرسمي بموقع التواصل الإجتماعي “فيسبوك”: انا سؤالي لكل صحفية وصحفي شاب بيطلع يجري ورا الأخ بتاع واقعة الكشري و بيجروا معاه حوارات بالساعة انتوا مش مكسوفين يا جماعة من نفسكم؟  بجد انتوا حاسين انكم عادي؟ مش زعلانين على نفسكم و على مهنتكم؟  الراجل مش  عليه اي غلط   لان انتوا اللي بتجروا وراه و عايزين تسجلوا معاه هيقول لأ؟.

عمرو محمود ياسين للصحفيين: احترموا مهنتكم والمجتمع وعقول الناس

وتابع حديثه:  حتى  لو كانت حوارتكم واسئلتكم  هجوم عليه و تريقة ده لا يعفيكم من الخطأ ولا  ينجيكم من هذا العار الذي تلصقوه بمهنة عريقة و عظيمة ..عيب  احترموا  مهنتكم شوية و احترموا  المجتمع  و احترموا الناس اللي بتفرجوهم ع المحتوى  المجنون المخجل ده ..انتوا المسؤولين .. انتوا بس ..مش هو.

عمرو محمود ياسين يستغيث بسبب أعماله الفنية

من ناحية أخرى، خرج عمرو محمود ياسين منذ أيام ليست بالقليلة، ليعلن عن محاربة أعماله الفنية، وقال في فيديو عبر حسابه الرسمي بموقع التواصل الإجتماعي “فيسبوك”: “أنا الفترة اللي فاتت دي كنت شغال على مشروعين، كنت شايفهم مهمين وبيحملوا قيم هامة جدا، وأنا مقتنع ان الفن بيوجه رسالة هامة جدا لأنه قادر على التوغل في وجدان ونفس البني أدم ويضخ في أفكار معينة دون أن يشعر البني أدم، الفن بيؤثر جدا جدا في الناس”.

وتابع حديثه: “في عمل من المشروعين دول بيتحارب بقوة ولم يلقى الاهتمام والدعم الكافي ودا شيء سئ جدا، انا الفترة الجاية هقعد في مقاعد المتفرجين وأشوف اي الأحلى والأهم بس انا شغال بردو وقاعد بكلم في حاجات تانية، بس مش فاهم ده ليه بيحارب وليه مش مدعوم بس انا شغال”، وبعدها كشف عمرو محمود ياسين عن نيته في المشاركة في مسابقة الأوسكار بعد عامين من الأن.