جنات: عمري ما عملت أغنية بتمس حالتي الشخصية.. و"يا بختي بيه" كان مخطط تنزل في الصيف

أكدت المطربة المغربية جنات على أنها لم تقدم أي أعمال غنائية تمس حياتها الشخصية، وذلك خلال لقائها اليوم ببرنامج أجمد 7 الساعة 7 مع جيهان عبد الله.

تحيا مصر يرصد تفاصيل تصريحات جنات

حيث قالت جنات: "عمري ما عملت أغنية بتمس حالة شخصية عندي، لو اتعرض عليا أغنية بتمس حالة عندي بخاف منها".

تفاصيل أغنية يا بختي بيه

كما تحدثت جنات عن أحدث أغنية لها "يا بختي بيه"، وقالت: "كان مخطط تنزل في الصيف لكن علشان اتفاقاتي اتأخرت شوية عن الصيف ونزلت من 3 أسابيع تقريبا والواحد ما بقاش مركز أوي في الوقت".

وتابعت: "لكن بركز إني أبقى موجودة مع الناس، وما عادش فيه انتظار نستنى سنتين علشان نعمل ألبوم 10 أو 12 أغنية، مع إني بحب ده، لكن لازم كل شهرين 3 يكون ليا أغنية، وبشوف أغنية أغنية وردود فعل الناس عليها لحد ما أوصل للشكل اللي الناس بحبه أكتر".

أغنية يا بختي بيه

طرحت الفنانة والمطربة الشهيرة جنات أغنيتها الجديدة "يا بختي بيه" وذلك عبر قناتها بموقع الفيديوهات الشهير يوتيوب وحققت الأغنية نجاحًا كبيرًا.

كلمات أغنية يا بختي بيه

ده محدش شافه إلا وقال لي يا بختي بيه
من الغيرة نفسي أحطه في قلبي أقفل عليه
أهو ده اللي الواحدة هتروح له وتطلب إيديه
ده محدش شافه إلا وقال لي يا بختي بيه
من الغيرة نفسي أحطه في قلبي أقفل عليه
أهو ده اللي الواحدة هتروح له وتطلب إيديه
أنا مش بجامله بصوا وشوفوا اللي عامله
قلبي من نومه قام له قال له رايح على فين
طب والغلاوة بصوا وشوفوا الحلاوة
هو ده ينفع يتساوى بالناس الثانيين
لالالالالا

أنا مش بجامله بصوا وشوفوا اللي عامله
قلبي من نومه قام له قال له رايح على فين
طب والغلاوة، بصوا وشوفوا الحلاوة
هو ده ينفع يتساوى بالناس الثانيين
أنا مش بجامله
شخصية نادرة مش بتيجي مرتين
غير لي حياتي وشقلبها وكسر الروتين
من أول مقابلة أنا حسيتنا عشرة سنين
شخصية نادرة مش بتيجي مرتين