هند عاكف بعد ارتداء جوليا روبرتس فستان مشابه لها: ردت اعتباري.. وتضامنت معايا بشكل مباشر

علقت الفنانة هند عاكف على ارتداء الفنانة العالمية جوليا روبرتس فستان مشابه لما ارتدته بمهرجان القاهرة السينمائي لهذا العام. 

تحيا مصر يرصد لكم تعليق هند عاكف على فستان جوليا روبرتس 

هند عاكف وفستان جوليا روبرتس 

وقالت هند عاكف خلال لقاء تلفزيوني لها:جوليا روبرتس تضامنت معايا بشكل مباشر، بإرتدائها فستان شبه فستاني وكانت بتقدم رسالة ليا كـ تضامن، ورسالة للمهرجان أن هند عاكف مكنتش غلط وفنانة مصرية صح تحمل عضوية النقابة من أسرة فنية لها جذور عريقة، وباعتة رسالة كمان لأستاذ حسين فهمي إن هند لما لبست الفستان مغلطتش والغلط هو التصرف اللي تم معاها.

وتابعت: فـ أنا حسيت إن چوليا روبرتس بتقدملي رسالة وبتقولي أنا متضامنة معاكي، وأنا بأيدك وبرد اعتبارك، ولما فنانة اجنبية ترد اعتبار فنانة مصرية ده شئ عظيم، ولو هي مش قاصدة فـ دي رسالة بردو بس غير مباشرة.

هند عاكف وسبب عدم دخولها مهرجان القاهرة السينمائي

وكانت قد كشفت هند عاكف أن سبب عدم دخولها مهرجان القاهرة السينمائي لم يكن بسبب انتهاء الدعوات، كما وجهت رسالة للمتنمرين.

وقالت باكية خلال استضافتها في برنامج نص الكلام والتي تقدمه الفنانة راغدة شلهوب والذي يعرض عبر قناة النهار: ينفع الكلام ده لفنانة مصرية بتشتغل من وهي عندها سنتين، انا مش ههين نفسي انا صعبان عليا تاريخي وتاريخ عيلتي والمنظمين عملوا فيا كده.

وتابعت: أنا ليا تاريخ سواء كبير او صغير وليا وضعي وانا مش بعدت عن الفن عشان اتسفح انا كنت بخدم بلدي.

وأضافت: أنا كنت برفض اعمل شائعات ولازم احترم عائلة عاكف انا شايلة رمز،  وأنا بعتب على الاستاذ حسين فهمي لأن المفروض كنت بلغت الادارة والمنظمين ان لو حصل مشكله نحلها ازاي ولو حصل مشكله لو فنانة جايه بيتها المفروض يقولوها اتفضلي عشان نتجنب المشاكل وعشان ده مهرجان بلدنا.

هند عاكف: الفنان يدخل المهرجان قبل البلوجر 

وأضافت: كان في عائلات جوا، وكان في بلوجر، و المفروض الفنان يدخل الأول وبعدين البلوجر وميطلعش البلوجر على الريد كاربت وهند عاكف لا، وانا مش رايحه المهرجان عشان اطلع على السجادة وتريند وخلاص انا حضرت الافلام كلها عشان اتعلم واعرف المهرجان بيتعمل ليه.