مصطفى كامل: ويجز ممنوع من الغناء في مصر فقط.. ولو لقيت لاعب سيرك بيمثلنا برا هدعمه

خرج الفنان مصطفى كامل، نقيب المهن الموسيقية مرة أخرى ليعلق على أزمة مطرب الراب ويجز مع النقابة بسبب غنائه في كأس العالم2022.

تحيا مصر يرصد تصريحات مصطفى كامل عن ويجز. 

تصريحات مصطفى كامل عن ويجز

وقال مصطفى كامل: ويجز ممنوع من الغناء في مصر فقط، لأنه لم يحترم الكيان ولم يحضر للنقابة وحتى الآن لم يوقع على إقرار الالتزام بضوابط النقابة، أما في الخارج فله كل الدعم، وأنا لو لقيت لاعب سيرك بيمثلنا برا هدعمه.

وتابع: وأنا مش منطقتي أمنع ويجز من الغناء، ودعواتي لـ ويجز ولكل فنان رسمي يمثل مصر في الخارج ولم نحول ويجز للتحقيق بسبب مشاركته في كأس العالم، وأرفض إهانة نقابة المهن الموسيقية وشخصي بسبب ويجز.
 

وأضاف: أحنا دخلنا النقابة وفيها مشاكل كتير ورغم محاولات حلها يصدر عنا شائعات تؤخر خطة تطوير النقابة، ورثت مورثا سيئا في تولي نقابة المهن الموسيقية بنسبة 95 بالمئة ومع ذلك منذ شهرين مفيش أي أغنية نزلت فيها لفظ خادش.

على الصعيد الآخر، احتل مغني الراب الشهير ويجز المركز الخامس في تريندات يوتيوب بكليب “عز العرب” والذي يعتبر الرسمي لكأس العام 2022.

وحقق الكليب مشاهدات وصلت لـ 87 الف مشاهدة، بعد 24 ساعة فقط من طرحه عبر قناة ويجز الرسمية بيوتيوب.

وجاءت التعليقات على الأغنية: عالمي بجد يا ويجز، عاش والله على المغرب ورجالتها عملوا اداء شرفنا، انت فخر العرب يا ويجز.

كلمات كليب عز العرب 

وتقول كلمات الكليب:

أنا أدرى مين أنا يا حبيبي
المهم أن السعي يغير مصيري
رميت والبحر يشهد بتعوزني تلاقيني
بطل وأتم واجهة وشعب مستنيني
زي ما يكون بحلم 
تعالى شوف الشغل
في السما بلمع
ومش مستني الشكر 
وبالظبط دي كورة 
عشان كده بغني
بقول ومن قلبي 
الكورة تسمعني

حيوا اللي يجمعنا
وما عاش اللي يفرقنا
غنيها سمعنا 
حيوا كل عباد الله

عز العرب تعالى شوف الكرم 
عندي كورة وهدف 
عندي كورة وطرب

مرحب.. العرب ترعاك يا فرحة
سدد وأما أشوف أقول ما شاء الله 
من قطر لكل عباد الله
ميجيبهاش غير أبطالها
وفلوس مرفوعة بحضرها
كل البشر هتشرفنا
كل العالم هيعرفنا

لا أسأل شكلك ولا عنوانك 
مرحب بيك ناسك ومكانك
الكورة لغة كل العالم 
ورينا كل اللي في إمكانك

وفيت قد ما وعدت
حققت قد ما حلمت 
كلام كتير معمليش سقف
بعد الغيمة ضحكتلي الشمس

رفرف يا علمي
إعلى وجدد أملي 
أنا طموح وسريع وعنيد 
كاس العالم عندي

والرب واحد
بالحب واحد
أنا وأنت إنسان بنسى وبسامح
قالوا اختلفنا وأنا قلت جايز
بس فيكوا منا ولسة حبايب.

أزمات ويجز

من ناحية أخرى، كانت قد شهدت الساحة الفنية مؤخرا، جدل كبير بين رواد مواقع التواصل الإجتماعي، بسبب سوء تنظيم حفل ويجز الذي أقامه في مدينة التجمع الخامس، اذ انتشرت صور وفيديوهات لـ اقتحام الجماهير حفل مطرب الراب ويجز، وقفزهم من الأسوار، وذلك بعد منعهم من دخول الحفل بسبب تخطى عدد الحاضرين لـ 20 ألف شخصا.

وأثار ويجز الجدل منذ أيام بعدما خرج لـ ينتقد المتاجرين بالخير، في الوقت الذي خرج فيه العوضي لـ يسعاد عامل النظافة صاحب واقعة كشري التحرير، ما جعل الجمهور يتنبأ بـ أن ويجز يقصد العوضي، اذ كتب ويجز عبر خاصية ستوري بموقع تبادل الصور والفيديوهات انستجرام: "لما تعمل حاجة كويسة لحد متبقاش مرائي وتتاجر بقد إيه إنت بتحب تعمل خير.. اعمل وارمي في البحر وبدل ما تاخد نصيبك من شكر الناس ربنا يكرمك من فضله، بقينا في حاجة منتهى الصورني وأنا بعمل خير.. يع”.