يسرا تطالب الجمهور بالتبرع لمستشفى 57357: لو قفلت مش هنعرف نفتحها تاني

حرصت الفنانة يسرا على دعم مستشفى 57357 وذلك بعد تعرضها لأزمة مالية، ودعت الجمهور للتبرع للمستشفى من أجل انقاذها.

تحيا مصر يرصد لكم دعم يسرا لمستشفى 57357

ونشرت يسرا فيديو عبر حسابها بموقع تبادل الصور والفيديوهات انستجرام وقالت في الفيديو: نفسي أن صرح ميتهدش 57357 بعد المجهود الكبير اللي حصل وبعد ما أحنا بنعالج اطفالنا بدون إي فلوس ومش هنعرف نبني صرح زي ده ولا بالطريقة دي ولا هيكون في خدمات للأطفال بهذا الشكل.

يسرا: المستشفى لو قفلت مش هنعرف نفتحها تاني

وتابعت: انا بس بقول لكل واحد يحط زكاة في مكان يحطه في 57357 لأن لو المستشفى قفلت مش هنعرف نفتحها تاني، أرجوكم ساعدوا كل أطفال مصر، وانا أول واحدة هبتدي بالمساعدة.

كما كتبت يسرا على الفيديو: من كل قلبي بدعو كل الناس انها تقف بجانب هذا الصرح الذي كان ولا ذال سبب في إدخال الأمل لكل طفل و اسرة.. المستشفى دي امل كبير ليهم محدش ممكن يقدر اهمية هذا المكان سوي من مر بالتجربة او ليه حد عزيز علي قلبه مر بيها.
وأضافت: ياريت الناس تدعم مستشفى 57357وما نقص مال من صدقه مهما كانت كل تبرع هيفرق معاهم في الفترة دي.

نجوم الفن يدعموا مستشفى 57357

وحرص عدد كبير من نجوم الفن على دعم مستشفى 57357 وذلك بعد ازمتها الاخيرة ومنهم الفنانة ميرهان حسين والتي نشرت فيديو عبر حسابها بموقع انستجرام و قالت ميرهان حسين: أنا عامل الفيديو ده عن مستشفى 57357 اللي أنا شخصيا كان ليا شرف إني زرت المكان العظيم ده 4 أو 5 مرات، وكانت من أسعد أيام حياتي لأني كنت بشوف أمل حقيقي وقوة حقيقية، وأطفال بيتلقوا علاجهم على أعلى مستوى وفي مكان إحنا فخورين إنه موجود في مصر، حاجة محزنة جدا إن الصرح العظيم ده يكون مهدد بالإغلاق أو إنها متستقبلش العدد الكافي من الأطفال المرضى ودي حاجة صعبة جدل، ودا بسبب المصاريف الزيادة وقلة الدخل والتبرعات، فياريت كلنا نقف جنبها في إن إحنا نتبرع.

السقا يدعم مستشفى 57357

كما حرص الفنان أحمد السقا على دعم مستشفى 57357 ونشر السقا فيديو عبر حسابه بموقع تبادل الصور والفيديوهات انستجرام وعلق: احنا طبيعتنا كمصريين ملئيين بالمشاعر والانسانيات، وانا بخاطب وجدانكم ومشاعركم انقذوا 57357 وانا أول الداعمين وربنا يقدرني ويقدركوا ويقدر اللي هيساعدوا.