عمرو مصطفى: هلحن لـ بنات بس وهغير كل الناس اللي في حياتي

أثار الفنان عمرو مصطفى الجدل بتصريحاته، حيث تحدث عن الهدف الذي سيسعى لتحقيقه خلال الفترة المقبلة، وعن الأعمال الفنية المقبلة.

تحيا مصر يرصد لكم تصريحات عمرو مصطفى

وقال عمرو مصطفى خلال لقائه في برنامج the insider: الهدف اللي هحققه السنة الجاية إني هغير كل الناس اللي في حياتي.

عمرو مصطفى: مش هلحن لـ ولاد تاني

وتابع: هتسمعوا مزيكا وأغاني مختلفة وجديدة السنادي، وهلحن الأغاني لبنات بس ومش هشتغل مع ولاد تاني ، انا بس الولد الوحيد اللي هيغني.

وعندما تم سؤاله عن أمكانية تلحين أغاني لعمرو دياب تجاهل السؤال وقال عمرو مصطفى: زي ما قولتلك كده هعمل لبنات بس.

وتعاون عمرو مصطفى، في أغنية يا دايرة، مع الشاعر الغنائي، أحمد علي موسى، وألحان عمرو مصطفى وتوزيع تيكو.

آخر أعمال عمرو مصطفى

الجدير بالذكر أن آخر اعمال عمرو مصطفى هي أغنية يا دايرة، وتعاون فيها عمرو مصطفى  مع الشاعر الغنائي، أحمد علي موسى، وألحان عمرو مصطفى وتوزيع تيكو.

كلمات أغنية يا دايرة

يا دايرة كل يوم تصغر
يا دنيا قاسية بتغير
انا اللي فهمت متأخر
انا غلطان

غريبه الدنيا وعجيبه
انا بتجازى ع الطيبة
كإن خلاص بقت عيبة
تكون انسان

يبان وجعي وانا بحكيه في مواويللي
ودمعة حزينة بتونسني طول ليلي

وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف لية نسيوني

اديني لسه بتعلم
فيه ناس بخسرها بتقدم
وناس بكسبها بتندم وكله نصيب

حكاية ووقتها بيخلص
وغالي في عيني لية بيرخص
حبايب كل يوم تنقص تروح وتغيب

أغنية سيبوه

وكان الفنان عمرو مصطفى قد عاد لتصدر المشهد الغنائي مجددا، بعد طرح أغنية سيبوه، عبر قناته الرسمية على «يوتيوب»، وحمل لحنها توقيعه، وكتب كلماتها مصطفى ناصر، ولاقت إعجاب وإشادات كثير  من المتابعين فور طرحها رسميا.

كلمات أغنية سيبوه لـ عمرو مصطفى

بقالي.. ليالي

خلاص مبقاش يجي فـ بالي

ناديته.. رماني

ولما نسيته جالي

راجعلي يقول ياريته ما راح بعيد

قولوله ياريت ياريت كانت تفيد

سيبوه يفكر في زمان

سيبوه يقول أنا ندمان

سيبوه كمان مرة يقول

سيبوه يقول مرة كمان

نصيبه.. أسيبه

يموت مـن جرحه قدامي

ما ياما.. أذاني

وماسمعش لكلامي

عايزني أرجع كأنه فراق مجاش

سيبوه يحلم ماهو الحلم ببلاش