بعد تصريحات وفاء مكي.. هند عاكف: احنا في كارثة وجيلي اتظلم وقاعد في البيت

حرصت الفنانة هند عاكف على دعم الفنانة وفاء مكي بعد تصريحاتها الأخيرة بشأن عدم مشاركتها في أعمال فنية منذ فترة طويلة، واستغاثتها بالرئيس عبد الفتاح السيسي لحل مشكلتها.

تحيا مصر يرصد في ذلك التقرير تصريحات هند عاكف بشأن سوق العمل الفني

هند عاكف: عيب اللي بيحصل الوضع ده هيستمر لإمتى

وقالت هند عاكف عبر حسابها الرسمي بموقع التواصل الاجتماعي "فيسبوك": قضية جيل بالكامل، أحب أضم صوتي لصوتك يا وفاء،  ادعم الفنانه وفاء مكي وادعم كل زملائي وجيلي بجد اللي اتظلم وقاعد في البيت حرام وعيب قوي اللي بيحصل ده هو لازم نطلع نتكلم ونشتكي ونشرح ظروفنا وأسرار بيوتنا علي السوشيل ميديا عشان نشتغل من المسؤل عن ذلك ولامتي هيستمر الوضع الغلط ده احنا جيلنا تعب كتير وشال مسلسلات واعمال فنيه كتير ناجحة.

وتابعت: بطالب المسؤلين عن صناعة الفن وعمل المسلسلات والاعمال الفنيه التدخل السريع لوجود حلول سريعه لحل هذه المشكله التي تهدد حياة الكثير من الفنانين والمبدعين ويكون في عداله في توزيع الأدوار في المسلسلات والاعمال الفنيه علي جميع الممثلين بجد احنا في ازمه كبيره كارثه بمعني الكلمة.

وفاء مكي تستغيث بسبب قلة العمل

وكانت قد قالت وفاء مكي: انا بناشد نقابتي وكل مسئول ارحموني انا مش بطلب حاجه غلط من حد، أنا بطلب اني أقف اشتغل  بعزة نفسي انا مش لاقيه حد ومفيش حد قالي  حصل ايه ولا حد كلمني من زمايلي ولا حد كلمني من النقابة.

وتابعت: أنا عايزة اشتغل واقف على رجلي و اشوف امي المريضة وابني واكفي بيتي  واشوف الديون اللي عليا عايزة اسدها انا عايزة ارجع شغلي ومش عايزة حد يقولي اي حجج، أنا عايزة اشتغل بالحلال وأكل لقمة عيش بالحلال، وأنا أقدر اعمل الأدوار اللي تناسب سني في الوقت الحالي، والنقابة بتعمل حاجات كويسة وخطوة ايجابية وربنا يكملها بالستر ودي نقابتي واصحابي ومهنتي ومينفعش حد يقول عليهم حاجه وحشة.

هند عاكف ومهرجان القاهرة السينمائي

جدير بالذكر، أنه مرت الفنانة هند عاكف بعدد من المواقف المحرجة خلال حضورها الدورة الـ 44 من مهرجان القاهرة السينمائي، بدأت في حفل الافتتاح بعدما رفض المنظمين للحفل دخولها على السجادة الحمراء بسبب عدم وجود دعوة لها، لكنها قالت بصوت مرتفع إنها فنانة ومن حقل كل فنان يشارك في المهرجان حتى اذ لم يكن معه دعوة للحضور حتى تدخلت أروى جودة وطلبت من المنظمين أن تدخل.

بعدها جاءت أزمة السخرية من فستانها، الذي جمع عليه عدد من نجوم الفن في مصر من بينهم رئيس مهرجان القاهرة حسين فهمي، ولكن بعد تقليد جوليا روبرتس، قالت هند عاكف: جوليا روبرتس تضامنت معايا بشكل مباشر، بإرتدائها فستان شبه فستاني وكانت بتقدم رسالة ليا كـ تضامن، ورسالة للمهرجان أن هند عاكف مكنتش غلط وفنانة مصرية صح تحمل عضوية النقابة من أسرة فنية لها جذور عريقة، وباعتة رسالة كمان لأستاذ حسين فهمي إن هند لما لبست الفستان مغلطتش والغلط هو التصرف اللي تم معاها.