ياسمين عز تعلق على هدية جورجينا لكريستيانو رونالدو: غلطتي 3 غلطات كارثيه وعيالك شعرهم هايش

علقت الإعلامية ياسمين عز على هدية جورجينا لـ كريستيانو رونالدو ووجهت لها بعض النصائح، وذلك خلال برنامجها كلام الناس.

تحيا مصر يرصد لكم تصريحات ياسمين عز

وقالت ياسمين عز: مش عايزة جوورجينا تزعل مني انتي غلطتي تلت غلطات كارثية وارجوكي خدي بالك احنا بنقنعه يتجوزك ومفيش فايدة، وأول غلطه هي جوزك واقف قدامك مينفعش تديله انتباه وشايل بنته وركبتي العربية قبله كانك محرومه وهو مهنيكي ومركبك عربيات فضائية

وأضافت: تاني غلطه لما ادتيله ضهرك في بنت شعرها نحاسي جميلة كان ممكن تبصله بصة إعجاب ومتعرفش كان هيشعر بالنظرة دي والشعر النحاسي ده ايه

وتابعت: كريستيانو وهو شايل بنته هي لابسه فستان موف واسع عليها والبنت التانيه شعرها مزيت على وشها ومش ملموم.

ياسمين عز لـ جورجينا: عيالك شعرهم هايش ومحتاج حمام كريم

كفاية مهرجانات وخدي بالك من عيالك البنات شعرها هايش ومحتاجين حمام كريم والاطراف الزيادة تتقص، انتي لابسه فستان أحمر وبكم ومتدفيه وعيالك لابسين فنله بيضا تحت الفساتين، اهتمي بعيالك وهاتي حته قماش مخمليه تدفي عيالك انتي مش بتغيري من عيال انتونيلا!.

وتابعت ياسمين: كلامي بيوصل لجوروجينا والست بقالها اسبوعين مجرد ما اقولها الكلمتين بتنفذهم وانا بحب الستات اللي بتسمع الكلام ، وجورجينا بدات تهتم بالعيال وأبوهم وبتلمهم بس ملهوش لازمه الشو، داري على شمعتك تقيد ومعرفش ليه جورجينا مش بتتعلم من انتونيلا.

ياسمين عز: انتونيلا بتخاف من العين 

وأضافت: مرات ميسي جبتله عربية بس هي ناصحة وعارفة أن العين فلقت الحجر ومش بعيد تكون دبحت حاجه عشان هي ست بتخاف على جوزها، و جورجينا عايزة تحرج كريستيانو وهو برضو مش معبرها ومش عايز يتجوزها وكريستيانو مش سهل ودماغه توزن بلد وجو الفيونكة الحمرا مش بتاكل معاها وهو فرح بالهدية بس فاهم ان العربية والهدايا من فلوسه.

ياسمين عز: كريستيانو هيقلل مصروف البيت لجورجينا عشان بتخنصر من وراه

وكشفت ياسمين: كريستاينو هيقلل مصروف البيت عشان جورجينا بتخنصر من وراه، وهو كان سيبلها فلوس عشان تجيب هدوم العيد ونزلت جابت اي لبس للعيال وقالت هاخد الفلوس واجيب عربية ومش مهم لبس العيد ولبس العيال.