عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

زوجة داخل المحكمة: سلفتي من غيرتها كل ما تعرف أني حامل تروح تطلب من جوزها العلاقة

محكمة الأسرة
محكمة الأسرة

"سلفتي بتحقد علي حياتي مع جوزي ونفسها تبقي أنا " بتلك الكلمات روت زوجة داخل محكمة الأسرة عن زوجة الأخ الأكبر لزوجها والتي لا تترك شئ إلا وتنافسها فيه حتي في أمور الحمل والأطفال تريد أن تنجب نفس عدد الأطفال حتي لا تشعر أنها أقل منها أمام العائلة مما جعل الزوجة تنفر من الحياة مع زوجها فهو من أسكنها في بيت عائلة وليس بيت مستقل بهما فوصل بهما الأمر إلي الطلاق

سلفتي بتغير مني عشان جوزي أحسن من جوزها 

بدأت الزوجة حديثها لتحيا مصر :" أنا وجوزي متجوزين من 6 سنين وعندي منه طفلين جوزي طيب ومحترم لكن من طيبته مبيعرفش يحل مشاكل ولا يصلح فيها خصوصا أنه خلاني أسكن في بيت عيلة عشان يفضل جنب والدته ودي كانت حاجة جايبالنا المشاكل يوميا لأن جوزي عنده أخ أكبر منه ومراته اللي هي تبقي سلفتي من اول لحظة شافتني فيها وهي مش بتحبني لأني أصغر وأجمل منها ولأن جوزي أحسن من جوزها في كل حاجة بيكسب أكتر منه وكمان أحلي وأوسم منه في الشكل وده كان بيخليني أشوف غيرتها وحقدها مني من عينيها لكن كنت بسكت وبشفق عليها من جوايا ".

كل ما تعرف أني حامل تروح تطلب العلاقة من جوزها

وتابعت الحديث :" سلفتي من أول مرة عرفت أني حامل فيها لقيتها بعد شهر بالظبط هي كمان حامل وأنا ولد وهي كمان ولدت بس قولت عادي يمكن صدفة وربنا رايد كدة لكن جينا بعد سنتين حملت تاني من جوزي وبرضه بعد كام شهر لقيتها هي كمان حامل وقتها كنت مستغربة جدا الوضع لحد ما فهمت من أخو جوزي لما قالنا " يا عم حرام عليك خف شوية مراتي كل ما بتعرف أن مراتك حامل بتطلبني للسرير عشان تحمل هي كمان وأنا مش قادر علي مصاريف الخلفة دي كلها ".

من حقدها علينا أتطلقنا وجوزي ومبقاش يصرف عليا 

وأختتمت الحديث :" روحت واجهت سلفتي من غيظي وقولتلها " هو أنا كل ما هخلف هتخلفي أنتي كمان ؟ " لكن هي فاجئتني جدا بردها وقالتلي " وفيها أية ؟ أومال عايزة تلفتي أنتي بس الأنتباه في العيلة وأرتكن أنا ؟" ده بقي خلاني أترجم الأحداث في كل مرة كنت البس طقم او اطبخ أكلة والاقيها بتعملها هي كمان زيي بالظبط لحد ما في يوم أختلفت مع جوزي بسبب أني عايزة أسكن في شقة لوحدي عشان أحس بأستقلاليلي بعيد عن أهله وهو مرضيش فطلبت الطلاق وهو من حبه في أهله طلقني بالفعل وقالي " الست اللي تبقي علي ذمتي يا ترضي بالعيشة وسط أهلي يا تروح هي علي بيت أهلها " ومبيصرفش من ساعتها علي عيالي ولا بيسأل فيهم لكن دي كانت غلطتي أنا من البداية أني سكنت في بيت عيلة وأنا مش أقل من اي ست عايشة في بيت لوحديها ".

تابع موقع تحيا مصر علي