خاص| الناقد أحمد سعد الدين عن تقديم مسرحية عن الشيخ الشعراوي: المهم هنجيب ايه في حياته

علق الناقد الفني  أحمد سعد الدين على تقديم مسرحية عن السيرة الذاتية للشيخ محمد متولي الشعراوي وعرضها على المسرح القومي.

تحيا مصر يرصد لكم تعليق أحمد سعد الدين على مسرحية للشيخ الشعراوي

وقال الناقد أحمد سعد الدين في تصريح لخاص لموقع تحيا مصر: الشيخ الشعراوي واحد من أهم مفسري القرآن والحديث في النص الثاني من القرن العشرين هو كاريتر بمعنى أنه ليه شعبية كبيرة جدًا وليه شكل طبيعي وهو بيتعامل مع الناس.

وتابع: كون أنه يتعمل عنه مسرحية ليه لا ما اتعمل عنه مسلسل وقام ببطولته الفنان حسن يوسف وانهارده لما يتعمل مسرحية وتُعرض على المسرح القومي خاصة أن ايهاب فهمي قال أن هي هتعرض خلال شهر رمضان على المسرح القومي ومعنى كده أنه متماشي مع الشعائر الدينية.

أحمد سعد الدين: المهم هو كيفية تقديم المسرحية عن الشعراوي

واستكمل: والمهم هو كيفية تقديم المسرحية وهيقدر يجيب إيه في حياة الشعراوي لأن المسرحية هتبقى ساعة ونص أو ساعتين لكن المسلسل قعد 30 حلقة والاساس أزاي هنقدر نقدم الشخصية ونتناولها ازاي لكن أي شخصية عامة طبيعي نعمل عنها مسرحية.

مسرحية عن الشيخ الشعراوي

وكان قد أعلن إيهاب فهمي عن تقديم مسرحية في شهر رمضان عن الشيخ محمد متولي الشعراوي، وقام عدد من نقاد الفن على الاعتراض على تقديم السيرة الذاتية للشيخ الشعراوي وكان من بينهم الناقد طارق الشناوي.

تصريحات طارق الشناوي

وقال طارق في تصريح خاص لموقع تحيا مصر، حيث قال الشناوي:  مفيش تقدير ادبي للخطوات الثقافية اللي بتتعمل ومفيش فلسفة لما يجب أن يُقدم للناس والموضوع عشوائي و اللي فكر في الشيخ متولي الشعراوي فكر فيه أنه نجم وهو نجم وليه  شعبية في الشارع لأن صوره لغاية دلوقتي على المكروباصات والتكاتك ومتغلغل في البيئة الشعبية.

وتابع: فكر الشعراوي مش محتاجينه في العصر الحالي ومحتاجين فكر معاكس للفكر الظلامي اللي كان بيعبر عنه الشيخ الشعراوي لان افكاره رجعيه وكرهيته للمختلف دينيًا كانت واضحة جدا وتزمده وكان ضد العلم وليه احاديث انه ضد العلم، و الشيخ الشعراوي كان ضد المسيحيين وليه احاديث بيتكلم أن لو وقع بعوضه او ذبابه وقع في شاي لو جناح واحد ضع الجناح  الاخر لان في جناح داء والجناح الاخر دواء.