الحب من غير جواز أسمى معاني الغرام وأصدقائي البنات أكتر من الصبيان.. أبرز تصريحات أحمد أدم

حل الفنان أحمد أدم ضيف على برنامج “حبر سري”، المذاع على قناة القاهرة والناس وتقدمه الإعلامية أسما إبراهيم، والذي فجر خلاله تصريحات جريئة يرصدها تحيا مصر في تلك السطور.

أبرز تصريحات أحمد أدم

• الجواز بيموت الحب.. والحب من غير أمل أسمى معاني الغرام.
• أنا ضد المساكنة والمساكنة دي نعرفها لسة اليومين دول.
• مشكلتنا إننا مش بنفرق بين الحب والصداقة والجنس وبنكون عايزين التلاتة مع بعض.
• لم تعرف تفرق بين الصداقة والحب هتعرف تختار اللي تتجوزها وأنا صحابي البنات كانت أكتر من الصبيان عشان كنت بعرف أفرق.
• في ناس كتير بتطلب مني أعمل شخصية القرموطي تاني.
• لا يمكن أن أحب من طرف واحد، وكرامتي متسمحليش.
• مفيش راجل بيكون عايز يجيب ست الست لو حبت هي اللي بتجيبه.
• مراتي من النوعيات النادر حدوثها وكانت الإختيار الصح اللي مندمتش عليه في حياتي ولا هندم.
• لو عملت مع ماجد الكدواني عمل فني هنكسر الدنيا وبيني وبين محمد هنيدي كيميا حلوة
• الفن بيساهم في تغير شخصية الإنسان، ولو متعرضش عليا دور بطولة هبطل تمثيل.
• العامل المشترك بين سيد دوريش وويجز الطفرة اللي عملوها.
• فيلمي مع محمد فؤاد فشل خالص والكواليس اللي جوه الفيلم لو كانت اتعرضت كانت هتنجح أكتر.
• انا لو عرفت إن شخص عامل مؤامرة عليا مش بسيبه ودايما البداية بسيبها للاخرون.
• الشغل مع عادل إمام حاجة تانية،هو مع صحابه بيشيل كل الحواجز وبيكون في قمة التواضع، والتجربة كنت أتمنى إنها تتكرر كتير.

أخر أعمال أحمد أدم

جدير بالذكر، أن أخر أعمال الفنان أحمد أدم الفنية مشاركته في فيلم 200، الذي حقق نجاحات كبيرة خلال فترة عرضه في السينمات المصرية بـ 2021، بعد قلة انتشار وباء كورونا، ودارت أحداث الفيلم على 8 قصص مختلفة ومتنوعة، منها الكوميدى والتراجيدى ويظهر فيه مجموعة كبيرة من النجوم، كل بطل له حدوتة مختلفة عن الأخرى، والذى ينتمى للبطولة الجماعية، وتدور أحداث الفيلم في إطار اجتماعي حول "200 جنيه" تنتقل من شخص إلى آخر، من مختلف الطبقات الاجتماعية وأماكن المعيشة ولكن تربطهم هذه العملة الورقية، فيما يتنقل العمل بين مجموعة قصص مختلفة.

وغنى الأغنية الدعائية لـ فيلم 200 جنيه ، المطرب أحمد سعد وهي من كلمات عبدالله حسن، وتوزيع عمرو صلاح، وألحان إسلام معز، وتم طرحها على موقع يوتيوب قبل ايام قليلة من طرح الفيلم.