نشرة أخبار الفن: خبير تنمية بشرية يفتح النار على ياسمين عز.. ميرهان حسين تثير الجدل بالشيشة.. وهذا الفنان طلب منه خالد الصاوي الاعتزال

شهدت الساحة الفنية ، أمس الثلاثاء الموافق 11 يناير، العديد من الأنباء الهامة والأحداث الفنية المشوقة واللافتة للإنتباه، وفي هذا الإطار يستعرض تحيا مصر أحداث فنية في إنتظارك.

أنتي مش هترضي بأقل من ملياردير وخمس خدامات.. خبير تنمية بشرية يفتح النار على ياسمين عز

فتح خبير الأبراج علاء منصور النار على الإعلامية المصرية ياسمين عبد بسبب نصائحها التي تقدمها للسيدات بشأن الرجال خلال برنامجها كلام الناس المذاع على قناة Mbc مصر الفضائية

وكتب منصور عبر حسابه الرسمي بموقع التواصل الاجتماعي فيسبوك: سؤال بجد يا ياسمين.. هتقولى لجوزك يا أستاذ محمد ؟؟هتقوليله.. هفرش فستانى اللى إنت جايبهولى عشان تمشى عليه بجزمتك  !!!
هتدى لحماتك مفتاح شقتك ؟؟
هتعملى شاى لأخوكى الفرعون الصغير ؟؟.

وتابع: ياسمين.. إنتى مش هترضى بأقل من ملياردير يا ياسمين و هتطلبى 5 خدامات على الأقل يا ياسمين و مش هتطبخى ولا هتعملى أى حاجة من اللى بتقوليها للناس ديه يا ياسمين..ياسمين إنتى شاطرة و إتشهرتى خلاص..و كنتى مذيعة شاطرة فى برنامج صباحك مصرى على Mbc Masr اللى كنت بتشرف بظهورى معاكى فيه كضيف ثابت زمان يا ياسمين.

وأضاف: فوقى و إلحقى صلحى اللى عملتيه و وجهى الناس لشئ يفيدهم و يفوقهم بدل اللى بتقوليه ده يا ياسمين 😊شهرة التريند مش بتدوم يا ياسمين ✋

بالشيشة.. ميرهان حسين تثير الجدل في أحدث ظهور

أثارت الفنانة المصرية ميرهان حسين الجدل في أحدث ظهور لها بالشيشة من كواليس أحد أعمالها الفنية التي تجسد فيها شخصية نوراة

قالت ميرهان حسين عبر حسابها الرسمي بموقع تبادل الصور والفيديوهات انستجرام: أنا اول مرة اقولها انا فعلا فكرت كتير جدًا اعتزل العمل في الفن لأني كنت شايفة اني مش متقدرة و اتظلمت كتير في هذا الوسط الذي لا يمنح النجومية حسب الموهبة لأ للأسف بيخضع كتير للعلاقات الشخصية و بيفرض ناس لا تستحق و يعطي فرص كبيرة لناس تكاد تكون معدومة الموهبة.

وتابعت: انا عانيت كتير من احساسي اني استحق فرص اكبر و اكثر تنوعًا في الوقت اللي كان بيتم اختيار شخصيات لأداء ادوار عظيمة لا تشبههم شكلًا و لا مضمونًا لمجرد صداقة فلانة بفلان و احتضان مصر لغير الموهوبين من جنسيات اخرى مع احترامي التام لأي جنسية و اي فنان او فنانة عندهم موهبة ولايقين في الادوار اللي بيقدموها و بيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل و المذاكرة و التقمص و التحمل و الصبر و كل ده على أمل التقدير

أحمد حلمي صاحب فضل عليا وفي ممثل بيعمل مشاكل بقوله اعتزل.. أبرز تصريحات خالد الصاوي

فجر الفنان الكبير خالد الصاوي عدد من التصريحات النارية خلال حلوله ضيف على برنامج حبر سري الذي تقدمه الإعلامية أسما إبراهيم عبر قناة القاهرة والناس الفضائية.

خالد الصاوي في حبر سري
الستات مش واخده حقها إلا نسبة قليلة ودول المسنودين ومعاهم فلوس

اتنين اقولهم بطلوا تمثيل واحد عامل مشاكل كتير والتاني زودها في الاستظراف

ليا فلوس عند ناس عايشة وتانية ماتت

أول أجر كان 125 جنية في الحلقة

الغلطة المهنية اللي عملتها الغرور والاستهتار

معنديش عمل خجلان منه وعلى خلاف مع نفسي

أحمد حلمي وكريم عبد العزيز أصحاب فضل عليا