عاجل
الأربعاء 01 فبراير 2023 الموافق 10 رجب 1444
رئيس التحرير
عمرو الديب

أحمد فهمي: حسيت نفسي مختلف في مسلسل "الداعية".. وحاولت أقلل من عصبيتي

أحمد فهمي
أحمد فهمي

كشف الفنان أحمد فهمي عن الطريقة التي يتبعها في التقليل من حدة عصبيته، وذلك خلال لقاءه اليوم ببرنامج "أسرار النجوم" مع المذيعة إنجي علي على محطة راديو"نجوم إف إم".

تحيا مصر يرصد تصريحات أحمد فهمي في برنامج أسرار النجوم

كيف يتغلب أحمد فهمي على العصبية؟

حيث قال أحمد فهمي: "أنا عصبي جدًا للأسف، ومش بقبل الغلط حتى وأنا غلطان، فحاولت في السنة اللي فاتت أقلل الحدة دي وبخرجها من خلال أني أروح للجيم أو في أي عمل تاني".

وتابع: "وبردو منطق الصداقة اتغير في زماننا الحالي، وكان مهم بردو أني أقرب من ولادي وعندي ابني (عمر) السنة اللي جاية هيدخل الجامعة وعلاقتي به اتظبطت بشكل قوي من 3 سنوات وبقى بيننا صداقة أقوى، وابني التاني (حسن) عنده 12 سنة فقربت منه كتير عشان كدا قررت في 2022 مشتغلش كتير".

رأي أحمد فهمي في المنصات الإلكترونية

وعن رأيه في المنصات الإلكترونية قال أحمد فهمي: "المنصات أفادت جدا الدراما، وعملت فكرة الأعمال الـ15 حلقة و7 حلقات وفيه أفكار مش بتحتاج تطويل، وعشان كدا بدأنا في رمضان حتى نقدم الفكرة دي بعيدا عن التطويل والمط في عمل 30 حلقة، وبردو فكرة الانتشار والمنصات مش مربوطة بس ببلد لوحدها”.

وعن أكتر عمل عرف الناس عليه كممثل، قال: "كان ليا تجارب كتيرة جدًا، ولكن أول حاجة حسيت أني فيها مختلف كممثل ومش أنا كان مسلسل (الداعية) من كتابة الدكتور مدحت العدل، ووجهة نظري إن التمثيل بيحتاج ممارسة ومعرفة مشاكل نفسي".

أحمد فهمي في “أسرار النجوم”

كما تحدث الفنان أحمد فهمي عن أحواله في سنة 2022، والمشاريع الفنية الجديدة التي يحضر لها في الفترة الحالية، حيث قال أحمد فهمي: "سنة 2022 كانت فترة مراجعة النفس لكل الحاجات، ورفضت أشتغل فيها، وركزت مع عيلتي ووالدتي وأخواتي وصحتي، وبيزنس خارج الفن، وفي نص السنة اللي فاتت اتعرض عليا مشروع شغال عليه حاليا بإشراف مريم نعوم ونجلاء الحديني".

وتابع: "وبدأنا تصويره فعليا في نص أكتوبر اللي فات، وهو مسلسل 30 حلقة وفيه تفاصيل كتيرة ومعانا صبا مبارك وعلي الطيب وناردين فرج، هو مسلسل فورمات وحلو ومختلف اسمه (بين السطور)، وفضلنا كثير نعدل في الورق".

تابع موقع تحيا مصر علي