خالد الصاوي: هاخد فلوسي من عين ممدوح شاهين والفن أنقذني من الجنون والاجرام

كشف الفنان خالد الصاوي انه تعرض للعديد من الشائعات من قبل جماعه الاخوان وذلك بعد مشاركته في مسلسل الاختيار ٣، كما تحدث الصاوي عن خلافه مع المنتج ممدوح شاهين

تحيا مصر يرصد لكم تصريحات خالد الصاوي

وقال خالد الصاوي خلال لقائه في برنامج حبر سري التي تقدمه الإعلامية اسما ابراهيم ويعرض عبر قناة القاهرة والناس: الأخوان طلعواعليا اشاعة أني موت بعد مسلسل الاختيار 3.

وتابع: هما كانوا عايزين يقطعوا فيا بكل الطرق اللي في العالم، وقالوا اني عندي ابن ومات.

وكشف خالد الصاوي: انا بيضحك عليا في الفلوس والتترات من المنتجين.

 خالد الصاوي يفتح النار على المنتج ممدوح شاهين: هاخد فلوسي من عينه

وتحدث الصاوي عن خلافه مع المنتج ممدوح شاهين وقال:هاخد فلوسي من عين ممدوح شاهين ورافع قضايا تعوض وهاخد فلوسي بالتعويض  لأنه خد فلوسي وانتج بيه ومدنيش حقي

واضاف: اكتشفت أن في صحوبيه ومجاملات وفيها استهباليه في الوسط الفني، و لما حد يبقى طالع مش عندها رصيد فني ومش معروف هينجح ولا وتركبه على كتفي في دور هعتذر طبعا.

خالد الصاوي: المرض مأثرش عليا في شغلي

وتحدث خالد الصاوي عن مرضه وقال: المرض مأثرش عليا في شغلي وعندي مشاكل في صوتي وانزلاق غضروفي وانا زمان كنت بلعب رياضة بس مفيش حاجة تعطلني عن شغلي.

خالد الصاوي: مستحيل أرشح نفسي رئيس للمهن التمثيلية

وتحدث الصاوي عن إمكانيه ترشحه لمنصب نقيب المهن التمثيلية وقال:مستحيل أرشح نفسي رئيس للمهن التمثيلية ومش عايز أبقى وزير ولانقيب ومش عايز حاجة تعوق أني أكون فنان مستقل.

خالد الصاوي: مش عايز أضيع يوم من غير تمثيل والعمر مبقاش فيه كتير

وتابع الصاوي: انا مش بخاف من المسئولية انا في عرض يوم لان العمر مبقاش في كتير مش عايز اضيع يوم غير وانا بمثل وبعمل حاجهفيها فن.

خالد الصاوي: الفن انقذني من الجنون والاجرام

وكشف الصاوي: كانت في حاجات بتشدني طول الوقت زي الجريمة السياسية وإني أبقى في الكفاح المسلح، وربنا وأبويا وأمي والفن الليأنقذوني من الجنون والاجرام.