عاجل
الخميس 02 فبراير 2023 الموافق 11 رجب 1444
رئيس التحرير
عمرو الديب

وفاء سالم: بتحرج أنزل اجيب خضار بسبب التحرش

وفاء سالم _ أرشيفية
وفاء سالم _ أرشيفية

كشفت الفنانة وفاء سالم عن ردود الأفعال التي تلقتها بعد حديثها عن التحرش، وذلك عبر قناتها الرسمية بموقع الفيديوهات الشهير يوتيوب.

تحيا مصر يرصد تصريحات وفاء سالم عن التحرش. 

وقالت وفاء سالم: جاتلي مكالمات كتير من كل الدول العربية بسبب الحلقة اللي فاتت، ومفيش ست شافت الحلقة إلا وعمل صدى جواها بسبب التحرش، سواء بيتحرشوا بيها وهي صغيرة وهي شابه وهي عجوزة.

وتابعت: أنا بتحرج أنزل أجيب خضار مش عارفه ازاي جيلهم قلب يتحرشوا بيا، وعايزه أقول للساكنين اللي بيقولوا أني فضحت أهلي أنا قولت بعض القرايب ومذكرتش كلمة تحرش، والأذى النفسي عمره ما بيروح.

وأضافت: الألم النفسي بيأثر على نفوسنا عموما، اللي حابه أقوله لما كلموني كتير من السيدات وطلبوا مني أكون صوتهم دا شرف كبير ليا، ولما بعت الفيديو لأختي تيما في أمريكا سمعت صوت تشجيعها، وأختي غيثاء في حلب قالتلي ايه اللي الفيديو اللي عاملاه قالتلي من فضلك شيلي، قولتلها اللي قولته دا محصلش معاكي وأنتي صغيرة قالتلي حصل بس مينفعش نفضح قرايبنا.

واختتمت حديثها قائلة: النجوم في جولدن جلوب لبسوا أسود احتجاجًا اللي حصلهم بسبب التحرش منهم أنجلينا جولي وسلمى حايك، وعايزه أطلق حملة اسمها وأنا كمان عشان أقول لكل حبايبي واللي اتعرضوا للتحرش، وهنطلق هاشتاج لأنه شئ مؤذي على مدار العمر.

كشفت الفنانة وفاء سالم عن سبب نشرها فيديو عن تعرضها للتحرش في الصغر، وتحدثت عن الانتقادات التي تواجهها خلال الفترة الماضية.

وقالت وفاء سالم في تصريح خاص لموقع تحيا مصر: الفيديو اللي نشرته ليه هدف وهو توعوي للاسرة العربية وعمومًا عن ظاهرة  التحرش واللي بتحصل كتير جدًا.

وأضافت وفاء: الفنان بيبقى حريص طول الوقت أنه ميضايقش حد وأنا حاليًا حره وبتكلم بكل وضوح وليا حاليًا توجه توعوي بعد اعتزالي التمثيل.

واستكملت:انا عندي توجه توعوي حتى لو بحكي عني ومش هدعي حاجه مش بيتحصل وهكشف الغطاء من خلال تجاربي الشخصية وكل مرة هتكلم عن حاجه تخصني وأول حاجة كانت عن التحرش.

وأضافت وفاء سالم: التحرش جريمة بتحصل في حق الاطفال ومفيش حد بيتكلم عنها وتجربتي الشخصية لازم كل الناس تعرفها.

وفاء سالم عن قصة تعرضها للتحرش: آثر على نفسيتي وأي جرح بيعمل خدوش

وكشفت وفاء سالم: اتاثرت جدًا باللي حصلي زمان من تحرش واثر على نفسيتي،  وأي جرح بيعمل خدوش والنفوس مبقتش حلوة.

كما تحدثت وفاء سالم عن بعض الانتقادات التي تواجهها خلال الفترة الماضية وقالت: الناس اللي انتقادتني بقولهم يرجعوا يشوفوا الفيديو بتاعي  عشان ده بيحصل بدون فهم ووعي كامل واعرفوا الهدف من اللي بقوله.

وفاء سالم: أنا مش بلجأ للتريند

وعن الاتهامات التي وجهت إليها بأن غرضها هو التريند قالت وفاء: أنا مش بلجأ للتريند أنا قليلة التصريحات ومش حابه إني أطلع اتكلم تاني في تليفزيون او في أي حاجه وأنا عملت قناة على اليوتيوب عشان تبقى تصريحاتي كلها عليها وملما يجيلي أي سؤال هرد عليه من خلال فيديوهاتي.

وكشفت: أنا كنت دايمًا مشغولة بالفن وحاليًا أنا مشغولة ومهمومة بالأسرة والقضايا لاجتماعية وده اللي بيشغلني وهدفي إني أعمل توعية للناس.

وهل من الممكن أن تقدم بعض النصائح ويكون هذا محتواها عبر السوشيال ميديا قالت وفاء: الناس مش بتحب النصيحة ومش بيحبوا يتفرجوا على حد بيقدملهم نصايح خالص.

وفاء سالم: وجودي في الحياة إني أساهم في ترسيخ القيم

وتابعت: أنا بقدم فيديوهات فيها قصص عني، ووجود الأنسان في الحياة لازم يبقى ليه قضية ويكون صاحب قضية، وأنا وجودي في الحياة إني أساهم بدوري لترسيخ القيم.

تابع موقع تحيا مصر علي