بعد دفاع لقاء الخميسي عن الفنانين.. بشرى تعلق: احنا جزء لا يتجزأ من النسيج الوطني

حرصت الفنانة بشرى التعليق على فيديو الفنانة لقاء الخميسي الذي دافعت فيه عن الفنانين، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل تعليق بشرى على فيديو لقاء الخميسي

حيث أعادت بشرى نشر مقطع فيديو لقاء الخميسي من خلال خاصية “إستوري”، وعلقت قائلة: “صح يا لقاء كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر".

وتابعت: "يعني بنمر بنفس اللي أي مواطن بيمر بيه من أزمات محناش كائنات كرتونية، الفنان نبض المجتمع مش الحيطة المايلة بتاعت المجتمع، الفنان الحقيقي طبعًا مش المدعي، ومش أي مشهور يستحق لقب فنان”.

تصريحات لقاء الخميسي للجمهور والصحفيين

ومنذ ساعات قليلة، خرجت الفنانة لقاء الخميسي لترد على تحريف بعض تصريحاتها وتعرضها لانتقادات لاذعة من قبل الجمهور بسبب تلك التصريحات، موجه رسالة صارمة للصحفيين والجمهور.

حيث قالت لقاء الخميسي في فيديو نشرته عبر حسابها الرسمي بموقع تبادل الصور والفيديوهات انستجرام، عبر خاصية “ستوري”: رسالة للصحفيين اللي بيكتبوا الاخبار عشان يعملوا تريندات وحاجة حراقة عشان يبقى فيه ناس كتير بتدخل والخبر يبقى تريند، يا تكتب الخبر كامل وصح كما قيل يا متكتبوش اصلا.

لقاء الخميسي: لازم نحترم أفكار وأراء بعض الهجوم بقى حاجة تزهق بصراحة

وتابعت حديثها، قائلة: رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين او يصمت مبتحبش متقولش ممكن نختلف في الأراء لكن لازم نتعلم ازاي نحترم الاختلاف، ياريت نبطل نهين بعض ونرفض أفكار بعض كل واخد زي ماتربى وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح ان اهاجم حضرت، الحاجة بقت تزهق بصراحة.

أخر أغاني بشرى 369 

وكانت أغنية 369 لبشرى قد حققت نجاحًا كبيرًا وهي من ألحان وتوزيع الموسيقار اسلام صبري ومن كلمات هيثم سليم، وتعد الاغنية هي ثاني اغاني البوم “في حتة تالتة”.

والتي تقول كلماتها:

Im Calling The Universe
Queen B In The House Bushra
الكون باعت رساله
صحصح للكون تعالي
خلي دماغك شغاله مفتحه
القطها وهي طايره
واخلع من اي دايره
خلي دماغك فى الدنيا مريحه
الكون باعت رساله صحصح للكون تعالي
خلي دماغك شغاله مفتحه
القطها وهي طايره واخلع من اي دايره
السر فيها لما تلاقيها
حتقضي بيها اوقات
الدنيا حلوه عيشها وناغشها
خليك فارشها مسافات
The Key مفتاح الفرحه معاك
افرح وعيش الحياه
Ho Oh Ho Ho
Universe Has Got Signs For You