لوسي عن اتهامات أبطال مسرحية الحفيد بتعديها عليهم: غيرة وزعلانين أني باخد سوكسيه

فجرت الفنانة الكبيرة لوسي عدد من التصريحات حول أزمة مسرحية الحفيد، واتهامها بتعديها بالضرب على أبطالها.

تحيا مصر يرصد تصريحات لوسي عن أزمة مسرحية الحفيد. 

تصريحات لوسي عن أزمة مسرحية الحفيد

وقالت خلال تصريحات تليفزيونية: هاتفت الوزيرة نيفين وقابلتني بالترحاب، وطلبت مني توجيه شكوى، وبالفعل تم هذا الأمر منذ 6 أشهر، وهي حاليًا في النيابة الإدارية والقانون سيعطيني حقي، مشيرة إلى أن من اتهمها خرج بعد الموسم الأول، ولكنها جددت عقدها 3 مرات.

وتابعت: لو أنا بضرب حد أو بغلط ليه يستمروا معايا، مؤكدة أنها اختارت مجموعة من الشباب من المعهد حتى تمنحهم فرصة الوقوف على خشبة المسرح.

وأضافت: قدمت شكوى لأنه لا يوجد نظام ولا احترام للمواعيد، إلى جانب الخروج عن النص، وأنا من توقفت عن استكمال العرض، وقدمت شكوى، لأن هناك أشياء كثيرة لا تصح أن تحدث.

وأردفت: لو ضربت حد أبقى ست مجنونة وباكل في اللحاف، وفيه كاميرات في المسرح بتصور ما يحدث واللي ماسك عليا حاجة يطلعها.

واختتمت لوسي حديثها قائلة: ممكن تكون غيرة لأن سمحية أيوب جاءت لتشاهد العرض وسعاد العبد الله جاءت من الكويت إلى جانب سفير السعودية وصفوة من النقاد والصحفيين، والدكتور مصطفى الفقي،أنا مش معايا حد اسمه معروف وممكن يكون فيه حد زعلان إني باخد سوكسيه.

وكان كشف الفنان تامر فرج وقائع جديدة قامت بها الفنانة لوسي أثناء عروض مسرحية “الحفيد”، الذي خرجت أزمتها على الساحة الفنية في الفترة الأخيرة الماضية.

وقال تامر فرج في مداخلة هاتفية مع الإعلامي عمرو أديب ببرنامج “الحكاية”: كانت بتدخل في كل كبيرة وصغيرة على المسرح وبتدير الموضوع ، لوسي مشاكلها كانت كتير منها انها بتتعصب وبتتلكم بأسلوب مش لطيف ووصل الموضوع للضرب ضربت الفنانين على المسرح.

تامر فرج: محمد يسري كان بيطلع من تحت ايدها متعور وضربت واحد 5 أقلام
وأضاف محمد يسري فنان شاب قد ابني الواد كان بيطلع من تحت إيدها بطنه متعورة، ومرة مخرج المسرحية ومؤلفها قالها بتخرجي عن النص جت في مشهده المفروض بتضربه بالقلم وهو قلم واحد راحت ضرباه 5 أقلام وكمل المشهد عادي وبعدها دخل يوسف يعيط في الكواليس، ندى عفيفي ضربتها عشان دخلت عليها بالكلام والبنت دخلت تعيط في الكواليس.

واستكمل: لا وبترد وبتقول ان انا غلاط وكثير المشاكل عشان كدة مشاني من العرض لو ده حقيقي مكنش هسيتدعاني المسرح القومي للمرة الثانية.

ندى عفيفي تكشف تعرضها للضرب والتعنيف من لوسي

وروت ندى عفيفي، بطلة في مسرحية الحفيد عن تعرضها للضرب من قبل لوسي، فقالت: الواقعة اللى تخصنى وهى أن الفنانه قامت بضربي وشتمي أمام الجمهور بالفعل مما اصابنى بالذهول وسابتنى على المسرح وخرجت وما كان من الا انى احترمت المسرح القومى والجمهور الغالى وزمايلي وكملت شغلي لكن فور خروجى من على المسرح اصابتنى نوبه انهيار.

واستكملت حديثها: ومع ذلك كملت العرض زى اى فنان محترم وبيحترم شغله والخشبه اللى واقف عليها . دخلنا المشهد اللى بعده مسكتني وعنفتني تاني أمام الجمهور وأنا فى المنتهى الذهول من العبث اللى بيحصل من فنانه كبيرة كان عندى امل أننا نتعلم من خبرتها الفنية وأن تحتضن هى مشاكلنا بدلا من افتعالها، وخلصت ليله العرض وما كان من استاذ ايهاب فهمى مدير المسرح القومى كل التقدير لشخصه الا كل احتواء لنفسيتى وجبر خاطرى ووعدى بأنه قام باللازم مع الفنانه لوسي وان حقى هييجي وانا مازلت حتى الآن اشكره لدعمنا واحترامه لفننا، وبعدها توقف العرض والى باقى الأحداث اللى انتوا تعرفوها.