عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

سهير رمزي: تريند كشري التحرير هايف وأبويا مصرفش عليا وشوفته مرة واحدة في حياتي

سهير رمزي
سهير رمزي

كشفت الفنانة سهير رمزي عن أعمالها الفنية التي تفضلها، كما تحدثت عن تريند صاحب واقعة كشري التحرير، وكشفت سهير عن قصة تنازلها عن ميراثها من والدها لصالح أخواتها.

تحيا مصر يرصد لكم تصريحات الفنانة سهير رمزي

وقالت سهير رمزي خلال لقائها في برنامج خبر سري التي تقدمه الإعلامية أسما إبراهيم ويعرض عبر قناة القاهرة والناس: لو السوشيال ميديا كانت هتبقى موجودة زمان كنت هطلع تريند بـ زين أبو العرش لأنه كان في نخبه كبيرة من النجوم وكان في مجهود كبير.

سهير رمزي: تريند صاحب واقعة كشري التحرير هايف وضايقني

وكشفت سهير رمزي أنها انزعجب من تريند صاحب واقعة كشري التحرير وقالت: في تريندات بتبقى هايفه زي تريند بتاع كشري التحرير ضايقني جدًا.

وتابعت:التريند ساعات بيبقى إيجابي وساعات في حاجات هايفه، والتريند اللي فرحني مسلسل القاتل الذي أحبني والمسلسل نجح جدآ وكان تريند وقتها.

سهير رمزي عن تنازلها عن ميراثها والدها: مكنتش محتاجه الفلوس وأخواتي كانوا أحق بيه

وكشفت سهير رمزي عن   قصة تنازلها للميراث لاخواتها بعد وفاة والدها وقالت:  بحب أخد الحاجة اللي من حقي بس و قتها مكنتش محتاجه الميراث ومكنش من حقي لأني معشتش معاه ولا شوفته ومكنش يعرفني واخواتي أحق بالميراث لأن اخواتي اللي قاعدين معاه وانا اتنزلت لأصغر اخت ليا وامي اللي اقترحت ده .

وتابعت: أبويا مصرفش عليا وشوفته مرة واحده وانا عندي 13 سنه واول مقابله هو حضني وباسني بس انا اللي كان مربيني سيد زياده وكان اقرب ليا من بابا، وبابا كان زعلان اني بشتغل وامي عوضتني كل حاجه.

سهير رمزي: أخواتي قطعوا علاقتهم بيا ونفسي يكلموني

وكشفت سهير رمزي: علاقتي انا وأخواتي اتقطعت بعد ميراث أبويا ونفسي يتواصلوا معايا ويكلموني لأن الدنيا متستاهلش

وكشفت سهير رمزي عن اغرب مطاردة تعرضت لها من قبل معجب وقالت: كان في مدرس في سن الأربعينات جه عندي عند البيت وكان هيسكر الباب وقال دي مراتي واتجوزتها وكان حاطت صوري على الحيطان وفي كل الاوضة واتقبض عليه وكنت لسه في بدايتي الفنية في العشرينات.

تابع موقع تحيا مصر علي