عاجل
الثلاثاء 31 يناير 2023 الموافق 09 رجب 1444
رئيس التحرير
عمرو الديب

يكفي أن الراقصة بتشغل معاه 40 راجل وكل ما العري كتر الفنان كبر.. أبرز تصريحات صفوة عن الرقص

صفوة _ أرشيفية
صفوة _ أرشيفية

فجرت الفنانة صفوة عدد من التصريحات الجريئة حول مهنتها الأساسية الرقص وذلك خلال إحدى اللقاءات التليفزيونية، ويرصدها تحيا مصر خلال السطور التالية:

دخلي من الرقص كان كبير جدًا

وحتة راقصة دي أنا محيتها لأني اعتزلت من 14 سنة وأنا مش حابة أن يسبق أسمي اسم الراقصة

وأنا عارفة اللي بقوله ده هيقوم الدنيا عليا

أنا عملت مجهود كبير جدًا عشان أثبت إني ممثلة قوية وعلشان أمحي أن يبقى قبل اسمي الراقصة

وده كلام أول مرة أقوله وكلمة الراقصة في حد ذاتها في المجتمع الشرقي لا يتم قبولها

على الرغم من أن مهنة الرقص صعبة جدًا  ويكفي أن الراقصة بتشغل معاها 40 راجل بشنبات

لغاية النهاردة أما تيجي تشتمي حد هتقولي له كذا وأنا صريحة وعارفة إن ما فيش حد هيقول كده

وبرغم إني كنت شاطرة جدًا في مهنتي ولما اعتزلت كان الاعتزال بدري جدًا لأن المهنة بقيت مهنة لكل ما لا مهنة له

دلوقتي مين الناس الكويسة اللي إحنا بنحترمه وهنفضل نحترمهم في زمن الفن الجميل زي دينا بوسي فيفي عبده

وأنا بعترف أن دول فنانات وراقصات إلى أبعد الحدود محترمات وهم فوق دماغي

من 8 أو 10 سنين فاتوا ظهر عدد من الراقصات زي صافيناز

وكل ما العري ما بقا أكتر كل ما الفنان بقا أكبر

والفنانات والراقصات المحترمات اللي بكلمك عليهم بقا شغلهم أقل بكتير

أي بلد أجنبي بيقدروا الرقص الشرقي جدًا وأنا مش مكسوفة من لقب راقص

لكن مهنة الرقص ما فيش حد بيقدرها بالتقدير المناسب لها

ولازم الناس يكون الوعي بتاعها غير كده

كشفت الراقصة صفوة، عن كواليس علاقتها بزوجها الثالث، وذلك خلال لقائها مع الإعلامية مروة صبري، في برنامج قعدة ستات المعروض على قناة القاهرة اليوم.

تصريحات صفوة عن زوجها الثالث

وقالت صفوة: جوزي سرق فلوسي، ودخلني السجن عشان أنا حمارة، ومش أنا لوحدي بقول كدة، في ستات سامعين كلامي، وبيقولوا نفس الكلام، هو عمل كدة برغم أنه كان بيعمل حاجات كويسة كتير جدًا معايا ومع أهلي كمان، ومخي ساعتها مكنش قادر يستوعب أن الخير الي كان بيعمله مني أنا.

وتابعت: لما كان حد بيقول على جوزي أنه مش كويس، وشوفي مستقبلك مكنتش بصدقهم، وأعمل لمستقبلي، وأنا كنت بالنسبة له الفرخة اللي بتبيض ذهب، وأنا عمري ما كنت بفكر وراه، أنا مكنتش مستوعبة أنه بيصرف من فلوسي.

كشفت الراقصة صفوة عن أمور كثيرة تخص زواجها الثاني، وعلاقته ببداية دخولها مجال الرقص والمجال الفني، موضحة أنها تزوجت للمرة الثانية وهي تبلغ العشرين عامًا.

حيث أوضحت صفوة في تصريحات تلفزيونية لها أنها تعرفت على أحد العملاء أثناء عملها كسكرتيرة في إحدى الشركات المعروفة بمحافظة الإسماعيلية، مشيرة إلى أنه كان ميسور الحال بسبب عمله في دولة الكويت لمدة 14 عامًا.

تابع موقع تحيا مصر علي