عاجل
الأربعاء 01 فبراير 2023 الموافق 10 رجب 1444
رئيس التحرير
عمرو الديب

عارفة عبد الرسول عن صورتها بالمايوه: نزلتها وأنا فرحانة ولقيت واحد قالي يا عجوزة أتلمي

عارفة عبد الرسول
عارفة عبد الرسول

تحدثت الفنانة عارفة عبد الرسول عن أزمة صورتها بالمايوه، والتي أثارت الجدل، كما وجهت عارفة عدة نصائح للبنات بشأن الملابس.

تحيا مصر يرصد لكم تصريحات عارفة عبد الرسول

وقالت عارفة عبد الرسول خلال استضافتها في برنامج كلام الناس التي تقدمه الغعلامية ياسمين عز ويعرض عبر قناة أم بي سي مصر: كلنا عندنا عيوب وبنصلحها بالتجميل واللي مش معاه فلوس بيداريها، وفي بنات كتير بتلبس جينز وبيبين عيوب جسمها وبتلاقي واحده رجليها مقوسه بيبان أو عندها التصاق فخدين لازم تتدارى ده وانوثتك تبقى ظاهرة
عارفة عبد الرسول: نفسي البنات ترجع تلبس فساتين.

عارفة عبد الرسول: نفسي البنات ترجع تلبس فساتين

واستكملت: لو لبستي فستان هيبين أنوثتك مهما كان سنك وشكلك وطبيعة جسمك حتى لو كيرفي ونفسي البنات كلها ترجع تلبس فساتين.

وتحدثت عارفة عن التنمر وقالت: أنا جايه من جيل بنتكلم عادي ونقول بنت طويلة ولا قصيرة دلوقتي بقى اسمه تنمر وانا بكون بتكلم عادي ودي خلقة ربنا وكلنا فينا عيوب عادي.

عارفة عبد الرسول: بقيت ألبس شورت في البحر عشان مش عايزة أذي الناس بشكلي

وكشفت عارفة عبد الرسول:كنت بلبس بكيني بقيت بلبس شورت لاني مش هاذي الناس بشكلي عشان في دوالي وشكل جسمي اتغير وانا بحب شكلي يبقى جميل.

كما تحدثت عارفة عن أزمة صورتها بالمايوه وقالت: أنا بسيطة وبتكلم ببساطة ونزلت الصورة وأنا فرحانة ولقيتهم بيقولي يا ولية يا عجوزة أتلمي وناس نصحتني أشيلها بس مرضيتش لأن عندي قوة تحمل ومكنتش متوقعة رد الفعل ده عليا
وأضافت عارفة عبد الرسول: أبويا زمان لما المايوه كان بيصغر عليا كان بيجبلي مايوه أكبر وكنا بنتريق على اللي بينزل البحر بالجلابية.

عارفة عبد الرسول: بنادي على جوزي بـ أستاذ

وكشفت عارفة عن علاقاتها بزوجها وقالت: بتعامل بصبر مع جوزي ولما بيزعلق بسيبه يطلع طاقة الغضب اللي عنده وبسكت وبعد ما يهدأ بعمله قهوة، وبعاتبه، وهو في الشغل بيناديني بـ أستاذة عارفة، وانا بنادي عليه في الشغل يا أستاذ مصطفى.

وأوضحت عارفة عبد الرسول أنها تنادي زوجها، في المنزل بـ«بابا»، وأن أحفادها ينادوها «أوشة»، مؤكدة أن العلاقة بين الزوجين تختلف بين الأشخاص، وأنها ليس لها «كتالوج» ثابت.

تابع موقع تحيا مصر علي