عاجل
الأربعاء 01 فبراير 2023 الموافق 10 رجب 1444
رئيس التحرير
عمرو الديب

أشتغلت كوافيرة وبقالة وبقيت ألبس شورت في البحر عشان مأذيش حد.. أبرز تصريحات عارفة عبد الرسول

عارفة عبد الرسول
عارفة عبد الرسول

حلت الفنانة عارفة عبد الرسول ضيفة على برنامج كلام الناس والتي تقدمه المذيعة ياسمين عز ويعرض عبر قناة ام بي سي مصر، وتحدثت عارفة عن علاقاتها بزوجها وكشفت بعض الاسرار في حياتها.

تحيا مصر يرصد لكم تصريحات عارفة عبد الرسول

ونستعرض لكم أبرز تصريحات الفنانة عارفة عبد الرسول في برنامج كلام الناس

-بقيت ألبس شورت في البحر عشان مش عايزة أذي الناس بشكلي.

-نزلت صورتي بالمايوه وأنا فرحانة ولقيت واحد قالي يا عجوزة أتلمي.

-كنت بعمل جمعيات عشان ادفع مصاريف ودروس مدارس عيالي.

-جوزي في الشغل بيناديني بـ أستاذة عارفة، وانا بنادي عليه في الشغل يا أستاذ مصطفى.

-لما بشوف شاب حلو بقول لزوجي شايف الشاب ده جميل إزاي وهو لو شاف بنت جميلة بيقولي الله جميلة.

-اشتغلت في محل بقالة في اسكندرية وأقطع بسطرمة وجبنه رومي وأشتغلت كوافيرة.

مرات أبني وجوز بنتي بينهم مشاكل ووزعت فلوسي وأنا عايشة ومكنش قصدي أخالف الشرع.

-علاقتي انا وجوزي مرت بصعوبات كتير جدًا وكان في مشاكل وأزمات كتير بينا، بس احنا كنا صحاب قبل ما نتجوز، وكنا متفاهمين، لاننا كنا صحاب في كلية فنون جميلة.

-أنا وجوزي بنتعامل مع ستات ورجالة كتير وبنسلم ومبوس وعادي بس أعرف اللي تسلم وتبوس جوزي مجرد معجبة ولا ليها غرض تاني.

-في بنات كتير بتلبس جينز وبيبين عيوب جسمها وبتلاقي واحده رجليها مقوسه بيبان أو عندها التصاق فخدين لازم تتدارى ده وانوثتك تبقى ظاهرة.

-نفسي البنات ترجع تلبس فساتين ولو لبستي فستان هيبين أنوثتك مهما كان سنك وشكلك وطبيعة جسمك حتى لو كيرفي ونفسي البنات كلها ترجع تلبس فساتين.

-مرات ابني وجوز بنتي بينهم مشاكل كتير عشان حبيت أوزع فلوسي على عيالي وأنا عايشة.. ولما وزعتها بالنص مكنش قصدي أخالف الشرع.

-كنت بلبس بكيني بقيت بلبس شورت لاني مش هاذي الناس بشكلي عشان في دوالي وشكل جسمي اتغير وانا بحب شكلي يبقى جميل.

- أشتغلت كوافيرة وأكلت حاجب واحدة وفضلت تجري ورايا  بالشبشب في أسكندرية وكانت هتموتني بالضرب.

عارفة عبد الرسول في رمضان 2023

ومن جانب آخر، تشارك الفنانة عارفة عبد الرسول في مسلسل بابا المجال، والذي من المقرر عرضه في السباق الرمضاني الموسم المقبل، ويضم عدد كبير من نجوم الفن ومنهم سوسن بدر، ومصطفى شعبان وعدد آخر من النجوم.

تابع موقع تحيا مصر علي