عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

خاص| ماجدة خيرالله: لو مش هنقدم تفاصيل الشخصية بخيرها وشرها في السير الذاتية بلاش نعملها

ماجدة خير الله
ماجدة خير الله

تحدثت الناقدة الفنية ماجدة خير الله عن تقديم السير الذاتية في بعض الأعمال الدرامية، موضحة أن كاتب السيناريو يقوم بدور مهم للغاية.
تحيا مصر يرصد لكم تصريحات ماجدة خير الله

وقالت ماجدة خير الله في تصريح خاص لموقع تحيا مصر: مهم نعمل أعمال جديدة و لما  بنكرر أعمال أتعملت قبل كده بتبقى مش حلوة وأي شخصية  لازم نقدم السلبي والإيجابي.

ماجدة خير الله: لازم نقدم تفاصيل الشخصية بخيرها وشرها

وأضافت: لازم نقدم كل حاجة في الشخصية والعمل الفني أنت بتتكلم عن شخص وبني ادمين مش ملايكة  ولازم  نقدم كل التفاصيل عن حياته بخيرها وشرها ومش هنقدر نعمل كده يبقى بلاش نعملها خالص.

وأضافت: حياة بني آدم مش حياة ملاك والحياة كلها أبيض وأسود ولو الإنسان كويس ولطيف ومحترم في حياته أكيد وهو عنده 16 سنة  عمل حماقات وهو عنده 20 سنة او 30 سنه مش بيعملها واكيد كلنا ارتكبنا أخطاء في حياتنا وإحنا صغيرين والشخص نفسه اللي بيصلح سلوكه ولازم نبين كل ده .

واستكملت: الكاتب لازم يبقى فاهم كده ويبحث بشكل جيد  عن كل المراحل وتفاصيل الحياة عن الشخصية اللي هيقدم عنها.

ماجدة خير الله تكشف رأيها عن مسلسل الإمام الشافعي

كما تحدثت ماجدة خير الله عن تقديم مسلسل يتحدث عن السيرة الذاتية للإمام الشافي، ويقوم ببطولته الفنان خالد النبوي، ومقرر عرضه في السباق الرمضاني المقبل، وكشفت في تصريح خاص لموقع تحيا مصر أنه ليست ضد تقديم السير الذاتية موضحة: لو اتكتبت كويس يبقى  شئ ظريف على الأقل الناس تعرف معلومات عن شخصيات مهمة، وأنا مع تقديم السير الذاتية لكن مع التحفظ أنها تكون مكتوبة كويس لأن كان في كتير من مسلسلات السير الذاتية  كانت سيئة جدًا زي عبد الحليم  وسعاد حسني وصباح.

تصريحات ماجدة خير الله

واستكملت: وفي أعمال فنية كتير بتتكلم عن السير الذاتية مكنتش كويسة لأنها مش مكتوبة كويس مش لأن الشخصيات وحشة أو حلوة لا الشخصيات كويسة  لكن المسلسلات مكنتش مكتوبة كويس وده السبب في فشلها، والعيب من الكتابة  وشغل المخرج ممكن يكون حرفته قليلة.

وعن أختيار الفنان خالد النبوي لتقديم السيرة الذاتية عن الإمام الشافعي قالت ماجدة أن خالد النبوي ممثل جيد ومن المتوقع أنه درس الشخصية بشكل جيد ليقوم بتنفيذها.

 

تابع موقع تحيا مصر علي