عاجل
الخميس 02 فبراير 2023 الموافق 11 رجب 1444
رئيس التحرير
عمرو الديب

زوجة تضرب زوجها داخل محكمة الأسرة وتقف أمام القاضي باكية:«جوزي بيطلب مني نجيب طرف تالت معانا في العلاقة»

تحيا مصر

جوزي شهواني وبحس أنه مش بيكتفي بيا في العلاقة.. بتلك الكلمات روت زوجة لـ تحيا مصر من داخل محكمة الأسرة عن زوجها الذي يطالبها بإدخال طرف ثالث أثناء العلاقة بغرض المتعة ولا يهتم لكشف جسد زوجته أمام آخرين مما أشعرها بعد الآمان والطمأنينة حتي قررت رفع عليه دعوي خلع بمحكمة الأسرة لتتخلص من ميوله وأفكاره الجنسية الدنيئة.

جوزي مدمن على الأفلام الأباحية 

بدأت الزوجة حديثها:" أنا وجوزي متجوزين من 13 سنة وعندنا طفلين جوزي أيام الخطوبة كان محترم معايا وعمره ما طلب حاجة مني مش كويسة لكن بعد الجواز اكتشفت أنه بيتفرج علي أفلام إباحية ومدمن عليها وشوفت ده بعيني وأتقهرت وهو حاول كتير أنه يعتذرلي ويخليني أنسى اللي أنا شوفته لكن مقدرتش ".

طلب مني أجيب صاحبتي تبقي معانا في العلاقة 

وتابعت الزوجة حديثها في حالة صدمة تامة :" بعد مرور سنوات طويلة من جوازنا بدأنا أنا وجوزي نحس بروتين في علاقتنا ونحس أن كل شيء بيتم بيننا تقليدي وبدون مشاعر لكن كنا بنحاول نتجاهل الأحساس ده عشان الدنيا بيننا تمشي وتكمل لحد ما جوزي طلب مني اللي عمري ما هنساه بقية حياتي لما جه في يوم وقالي: " أيه رأيك لو نجرب يبقي في حد تالت معانا في العلاقة عشان نرجع نتمتع بيها زي زمان ومتقلقيش الحد ده مش هيبقي راجل عشان أنا بغير عليكي بس ممكن تبقي واحدة صاحبتك من اللي أنتي بتثقي فيهم وتبقي حلوة وليها في الكلام ده ؟".. وبالفعل ذكر اسم واحدة صاحبتي وطلبها هي بالأخص عشان كانت عاجباه ".

ضربت جوزي بالقلم وفضحته في المحكمة 

واختتمت الزوجة حديثها وشعور الانتقام يظهر في عيناها:" أنا ست قوية وكرامتي غالية  وأهلي ربوني علي الاحترام حتى وأنا في بيت جوزي معملش حاجة تغضب ربنا وبالتالي لما سمعت طلبه محستش بنفسي غير وأنا بضربه بالقلم على وشه عشان أفوقه من الشهوة الدنيئة اللي هو عايش فيها وعايزني أشاركه وبعدها لميت هدومي وسيبتله البيت وروحت المحكمة رفعت عليه دعوى خلع ولما جه حضرها فرجت عليه كل الستات والرجالة الموجودة عشان الكل يعرف أنه شخص بيمثل علي الناس الاحترام والشرف لكن في بيته ميتعاشرش ".

تابع موقع تحيا مصر علي