محمد الرشيدي منتج فيلم جروب الماميز عن الستات: ناس خارقة للطبيعة

حل صناع فيلم “جروب الماميز”، الذي من المقرر عرضه في دور العرض السينمائية المصرية والوطن العربي بداية من يوم 1 من شهر فبراير المقبل، ضيوف على برنامج “معكم”، الذي تقدمه الإعلامية منى الشاذلي على قناة cbc.

تحيا مصر يرصد في ذلك التقرير تصريحات صناع جروب الماميز لـ منى الشاذلي

محمد الرشيدي للرجال: اعمل نص اللي الستات بتعمله ووريني حالتك هتبقى ازاي

قال محمد الرشيدي خلال البرنامج عن المعاناة التي تتعرض لها المرأة بسبب جروب الأمهات على مواقع التواصل الإجتماعي لـ مراقبة أبنائهم في المدارس، اذ قال: أول انطباع بنشوف فيها الستات في الوضع ده انهم فاضيين جدا ومبالغين فيهم، لكن بعد كدة أما عيشت شوية لقيتهم بيعملوا كمية حاجات رهيبة.

وأضاف: بيقولوا عن الستات نكدية اعمل نص اللي هي بتعمله ووريني حالتك هتبقى عاملة ازاي.. كمية الحاجات اليومية اللي بيعمولها دي دي ناس خارقة للطبيعة 

وتطرق بحديثه عن موقف طريف شاهده لـ أحد الأمهات، فقال: كنت في المدرية وشوفت أم الرأكشن بتاعها كان بيقول ان ابنها أكيد حصله حاجة، طلع أنه ناقص نص درجة في امتحان الشهر.

وعن فكرته في عمل فني يرصد مشكلات جروبات الماميز، فقال: كنا عايزين نعمل سبوت على الستات التعبانة جدا.

يسرا اللوزي: جروبات الماميز فيها لت وعجن كتير

وأعرب يسرا اللوزي عن انزعاجها من جروبات الماميز، فقالت: جروبات الماميز فيها لت وعجن كتير وأنا صامتة وشخص عملي مبحبش ارغي كتير والجروبات دي بالنسبالي معلومات، وبعدين بيهتموا بحجات غريبة زي أعيا الميلاد.. التكلف الكتير في أعياد الميلاد  ملهاش لازمة بالنسبالي.

وتابعها محمد ثروت بالحديث، قائلا: مكنش على أيامنا جروبات الماميزدي.. أهلينا كان بيتجمعوا صدفة في حوش المدرسة.

يسرا اللوزي عن  فيلم جروب الماميز: شوفته وقولت ياريت أمثل فيه

وتحدثت اللوزي عن كواليس مشاركتها في جروب الماميز فقال: لقيت خبر إن فيه فيلم جروب الماميز بيتصور وكدة بعد 3 شهور اتعرض عليا الفيلم، واتعرض عليا دور مرام وقريته وظبطنا فيه حاجات وطول ما إحنا بنصور بنطلعها ونعملها.