ماجد الكدواني يعلن تقديم جزء ثالث من مسلسل موضوع عائلي

كشف الفنان ماجد الكدواني عن تقديم جزء ثالث من مسلسل موضوع عائلي وذلك بعد أن حقق الجزء الأول والثاني نجاحًا كبيرًا.

تحيا مصر يرصد لكم تقديم جزء ثالث من مسلسل موضوع عائلي

وقال ماجد الكدواني خلال استضافته في برنامج يحدث في مصر والذي يقدمه الإعلامي شريف عامر ويعرض عبر قناة أم بي سي مصر: اللي نجح المسلسل الخوف الكل اشتغل بمصداقية أعلى من الجزء الأول بس فكرة الأمانة من المخرج  واللعبة جماعية ومش فردية ومتفقين على مبدأ ربنا مش بيضيع تعب حد، وطاقم العمل أمناء  وحنا كنا عايزين نكون قد الأمانة.

ماجد الكدواني: أنا أكتر حد بيترعب من الأجزاء التانية

وكشف الكدواني:  لما بدأنا ننوي نعمل جزء تاني لو الناس طلبت جزء تالت هنعمل وإلحاح الجمهور بيحملنا مسئولية كبيرة، وأنا أكتر حد بيترعب من الأجزاء التانية وفكرة المصداقية هي السبب في النجاح. 

ياسمين وافي: موضوع عائلي فرصة كبيرة ليا

كما تحدثت ياسمين وافي عن دورها في المسلسل وقالت: كنت متوقعة النجاح ده بس مش الشكل ده  وأنا بقرأ الدور على الورقه كنت بضحك وكان فرصه كبيرة لاي حد يعمله وانا ممنونه للمخرج أحمد الجندي جدًا على اختياره ليا.

أحمد الجندي: هدفنا نعمل حاجة عائلية تدخل البيوت

كما كشف المخرج أحمد الجندي عن كواليس الجزء الثاني من مسلسل موضوع عائلي وقال: زمان كنا بنفكر فيه كـ فيلم وبنفكر فيه وبدأنا نمشي فيه كـ قصة ولما طلعت الفكرة قولنا هنشوف هتمشي بشكل مرضي وكل واحد من الكتاب طلع فكرة في العمل ومشيت ورد الفعل كان كويس.

وتابع: كان هدفنا من أول المشروع نعمل حاجه عائلية وشوفنا الحاجات دي في بيوتنا ومبقتش موجودة وكان الهدف ننقل الصورة دي للناس تاني واللي شافها يحبها واللي مشفهاش يتمنى تبقى موجودة، وطول الوقت عايزين نقرب للشكل اللي عايزينه وشكل عادي وشبه بيوتنا.

مسلسل موضوع عائلي

مسلسل موضوع عائلي من بطولة ماجد الكدواني، رنا رئيس والفنان طه دسوقي والفنان محمد رضوان والفنانة ياسمين وافي والمنتج أحمد الجنايني والمخرج أحمد الجندي والمؤلف محمد عز.