"مختلف وحقيقي في إيقاعه".. محمد يسري يُشيد بـ مسلسل بالطو

أشاد الفنان محمد يسري بمسلسل بالطو وأداء الفنان الشاب عصام عمر، وذلك بعد عرض أولى حلقات المسلسل عبر منصة واتش ات وتحقيقه نجاحًا كبيرًا.

تحيا مصر يرصد لكم أشادة محمد يسري بمسلسل بالطو

وكتب محمد يسري عبر حسابه بموقع التواصل الاجتماعي فيسبوك: مسلسل بالطو حقيقي مسلسل حلو أوي.. أحمد عاطف المؤلف وعمر المهندس المخرج عملوا مسلسل حقيقي مختلف في ايقاعه و شكله عن معظم الحاجات اللي انا شفتها مؤخرا و دي مش حاجة سهله خالص.

محمد يسري عن عصام عمر: ممثل شاطر وشهادتي فيه مجروحة

وتابع:عصام عمر شهادتي فيه مجروحة لأن الحقيقة اني بحبه أوي كـ ممثل وبشوفوا ممثل شاطر اوي، بس هو بجد عامل شغل خطير و بجد والله أنا حقيقي فرحان ليك و بيك و فرحان بالمسلسل كله.

واستكمل: مبروك ليكوا و لكل الاساتذة والزملاء في المسلسل ده.. روحوا اتفرجوا على بالطو يا جماعة، هتنبسطوا اوي.. أول حلقتين دلوقتي على واتش ايت.

أبطال مسلسل بالطو

وعرض مسلسل بالطو عبر منصة واتش ات وحقق نجاحًا كبيرًا ونال اشادات كبيرة من قبل الجمهور وذلك بعد عرض أولى حلقاته، ويضم عدد من النجوم ومنهم:محمود حافظ، عارفة عبد الرسول، عصام عمر، ، محمد محمود، ، مريم الجندى، محمد رضوان، وعدد من ضيوف الشرف أبرزهم وبيومي فؤاد، خالد الصاوى، محمد لطفى، محمود البزاوى، وإخراج عمر المهندس وتدور أحداثه في إطار كوميدى حول مهنة التمريض وما يحدث بدور الرعاية الصحية.

تفاصيل مسلسل بالطو

ومسلسل بالطو مأخوذة من رواية عنوانها بالطو وفانلة وتاب، من تألف الكاتب الساخر أحمد عاطف فياض، وحرص الكاتب أحمد حافظ على الترويج لمسلسله الجديد ونشر أحمد عاطف صورة البوستر الدعائي لمسلسل "بالطو"، وهو اول كتابات  عاطف، وعلق عليه كاتبا عبر حسابه بموقع التواصل الاجتماعي فيسبوك:  المسلسل عن أحداث قصة حقيقية، اللى هى قصة حياتى، اللي أعتقد إن أي دكتور شاب بيتخرج فى مصر بيعيش وهيعيش قصةمشابهة ليها، والاحصائيات بتقول ان مسلسل "جريز أناتومى" على مدار السنين اتسبب فى دخول قرابة 200 ألف شخص لكلية الطب،على أمل انهم يعيشوا أجواء شبيهة، بإذن الله "بالطو" يحقق نفس المعادلة و الــ 200 ألف اللى دخلوا طب بسبب جرايز أناتومي يطلعوا منالكلية بسبب مسلسل بالطو.

واستكمل: المسلسل 10 حلقات بطولة نجوم كتير جداً عملوا اللى عليهم وزيادة وفعلا اشتغلوا من قلبهم فى العمل وأنا بشكر كل واحد فيهممن أصغر دور لأكبر دور ومن ساعة ما أعلنت إن "بالطو وفانلة وتاب" هيبقى مسلسل، ناس كتير بتدخل تسألنى تقولى مين اللى هيعمل دورك فى المسلسل،اللى يسألني ويقول لي أحمد أمين؟ واللي يقول لي أحمد عيد؟ واللى يقول لي ماجد الكدواني؟ فمع حبى الشديد لكل النجوم الكبيرة دولبس المرحلة العمرية للدور محتاجة حد أصغر فــاللى هيعمل دورى ف المسلسل هو الفنان ماجد المصري، طبعا مفيش ماجد المصرى بهزر، ما انتو شايفين البوستر اهو يا جماعة، اللى هيقوم بالدور هو الفنان الشاب الموهوب جداً جدا ًعصام عمر