محمد الشرنوبي يشيد بـ مسلسل بالطو: عمل فني مشرف للصناعة

أشاد الفنان محمد الشرنوبي بـ مسلسل بالطو، الذي تم طرحه على منصة watch it الرقمية منذ يوم الأربعاء الماضي الموافق 8 من شهر فبراير الجاري.

تحيا مصر يرصد في ذلك التقرير اشادة محمد الشرنوبي بـ مسلسل بالطو

محمد الشرنوبي يشيد بـ مسلسل بالطو

وكتبت محمد الشرنوبي عبر حسابه الرسمي بموقع التواصل الإجتماعي “فيسبوك”: مسلسل "بالطو" عمل فني مشرف جداً للصناعة كل حاجه مظبوطة لصناع معظمهم اول مرة يقدموا مسلسل اتفرجوا على المسلسل ده و استمتعوا بإول حلقتين اللي تحس انهم فيلمين مش حلقتين من مسلسل.

وتابع: سكريبت قوي جداً و مُحكم جداً و دمه خفيف جداً  ومخرج محترف وعارف هو بيعمل ايه وبيستعرض عضلاته وفي نفس الىقت تحس انه سايب ايده وكل الممثلين معاه مختلفين و جامدين حتى اللي رايح يقول جملة،  العناصر كلها لايقة على بعض موسيقى حلوه جداً و جديدة و لايقة على المسلسل، وصورة حلوه جداً والوان ذوقها حلو.

محمد الشرنوبي لـ صانعي مسلسل بالطو: شكرا على المجهود والذوق والشطارة

واختتم الشرنوبي حديثه: واخيراً براڤو لكل الممثلين الشاطرين واللي منهم عصام اللي أول مرة يبقى شايل المساحة دي و باين اوي انه قد المسئولية ومذاكر و حاسس وحضوره خطير ماشاء الله حقيقي حاجه تفرح ومسلسل يفرح، شكراً ليكوا كلكم على المجهود و الذوق و الشطارة دي و مستني باقي الحلقات بفارغ الصبر.

تفاصيل مسلسل بالطو

مسلسل بالطو يشارك في بطولته محمد محمود ،محمود حافظ ،مريم الجندي، عارفة عبد الرسول، محمد رضوان،عصام علي، وضيوف شرف: خالد الصاوي، بيومي فؤاد ، محمود البزاوي،  محمد لطفي، وأخرج المسلسل عمر المهندس، والعمل مأخوذ من رواية عنوانها بالطو وفانلة وتاب، من تألف الكاتب الساخر أحمد عاطف فياض.

وسبق وان أشاد به الفنان محمد يسري، فكتب: مسلسل بالطو حقيقي مسلسل حلو أوي، مسلسل حقيقي مختلف في ايقاعه و شكله عن معظم الحاجات اللي انا شفتها مؤخرا و دي مش حاجة سهله خالص، مبروك ليكوا و لكل الاساتذة والزملاء في المسلسل ده.. روحوا اتفرجوا على بالطو يا جماعة، هتنبسطوا اوي.. أول حلقتين دلوقتي على واتش ايت.