وفاء تطلب الخلع: جوزى ضربنى بسلك الكهرباء وكان هيحرقنى عشان حلم انى كنت بخونه

"جوزى ضربنى بسلك الكهرباء ورش عليا بنزين عشان حلم انى كنت بخونه وانا عمرى ما افكر اعمل كدا ولا أخلاقي تسمح انا ست براعي ربنا فى كل حياتى، بس هو من كتر أخطاءه وإحساسه انى ربنا هينتقم منه بسبب الستات ويترد ليه فى أهل بيته بقي على طول خايف لدرجة أنه قام ضربنى وكان هيحرقنى عشان بس حلم انى بخونه دا مريض نفسي ولازم يتعالج ويبعد عن الحرام" جاءت هذه الكلمات على لسان وفاء وهى داخل محكمة الأسرة لرفع دعوى خلع من زوجها بعد عام ونصف فقط من الزواج بمحكمة زنانيري مبررة استحالة العشرة معه بعد محاولة قتلها والتعدى عليها.

تحيا مصر 

جوزى مريض ولازم يتعالج

وبدأت الزوجة حديثها مع " تحيا مصر"، اتجوزت من سنة ونص جواز صالونات، وكنت فى فترة الخطوبة بحس أنه بيسالنى على أدق التفاصيل ولازم يعرف طالعة وهاجي امتى وعند صاحبي ممنوع ولما كنت اقول لوالدتى أو لأهلي كانوا بيقنعنونى أنه بيغير وخايف عليا، ومنكرش انى كنت فرحانة بغيرته واهتمامه، لكن الحال اتقلب لجحيم لما اتجوزنا وحسيت انى منعزلة عن كل الدنيا، وهو طول اليوم فى الشغل، وبدأت المشاكل بينا لما اكتشفت أنه ليا علاقات مع بنات على النت وكل مرة يحلف أنه هيبطل لكن دائما كنت بحس أنه لسه مستمر وقافل عليا انا كل الدنيا.

دعوى الخلع بمحكمة الأسرة

وتابعت وفاء حديثها،وكنت بتحمل كل كدا من جوزى على أمل انى اخلف منه وربنا يصلح حاله، لكن فى يوم صحيت من النوم وانا بصرخ من كتر ضربه بسلك الكهرباء، ويرش عليا بنزين ويقول لى بتخوينى ربنا أظهر حقيقتك فى الحلم وستر ربنا انا عرفت أجري منه ناحية باب الشقة وافتحه، وروحت عند الجيران اللى ساعدوني باللبس عشان اروح بيت أهلي اللى لما عرفوا اللى حصل رفضوا انى اعيش معه يوم واحد تانى،  وهو حاول يكلم اهلى وهم رفضوا الصلح ورفعت عليه دعوى الخلع ومنتظرة حكم القضاء.