تامر حسني: متستهونوش بالأدعية اللي بتجيلكم.. ساعات ربنا بيجيبلك الدعوة لحد عندك عشان يفكرك أنك محتاجها

حرص النجم تامر حسني على مشاركة جمهوره ومتابعيه مقطع فيديو لأحد الرجال، وهو يدعي من أمام الكعبة المشرفة، وذلك من خلال منشور عبر حسابه الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل أحدث منشورات تامر حسني عبر إنستجرام

وعلق تامر على مقطع الفيديو قائلًا: “لفت نظري الصدق اللي خارج من قلب هذا الراجل الطيب مع أني معرفوش بس شوفته و كإنه بيدعي لأولاده وأحبابه عن ظهر قلب، كلامه صح أوي يا جماعة مادام الدعاء وصلك وهو طالع من القلب كده ، يبقى إن شاء الله ربنا قاصد يوصلهولك بس رددوه وقولوا آمين”.

تامر حسني يدعي لأهل سوريا

وتابع: “لنا ولأهل سوريا وجميع بلادنا وشعوبنا اللي محتاجة كل كلمة فيه و كل الدنيا وعايز أقول كلمة صغيرة من أخ لكم جايز تفرق مع شخص واحد، متستهونوش بالأدعية اللي بتجيلكوا رسايل على التليفون من ناس متعوده تبعت و ناس متعوده للاسف متردش”.

واضاف: “والله يا جماعة ساعات بيبقى ربنا جايبلك الدعوة لحد عندك عشان يفكرك أنك محتاجها وأنه بيحبك ومستنيك تقولها بس، عشان يشيل عنك حاجة أنت متعرفهاش او يعلي درجتك و يكافئك بحاجه نفسك فيها و انت مش مدرك اهميه اللي اتبعت ليك و اهملته اصل مفيش حاجه صدفه في الدنيا كله متقدر لسبب”.

واختتم المنشور: “واللي مش بيردوا قال ايه عشان فكرة ان الدعوه مبعوته للكل مش بشكل خاص فا مش هيردوا، طب ما ده رزق رايح للكل ايه يزعلك في كده ، دانت المفروض تفرح انك من ضمن الكل اللي رايحلهم الرزق الجميل ده، حسيت بالدعاء بما انه جالي فقولت هبعته لكل الناس، انتوا كمان ابعتوه لكل الناس و ادعوه لاهاليكم و اولادكم و احبابكم وكل الناس اكيد فينا كتير محتاجينه”.

تامر حسني والهلال الأحمر

وفي وقت سابق، طالب النجم تامر حسني كل جمهوره ومتابعيه بالتبرع إلى الهلال الأحمر المصري، لمساعدة المتضررين من زلزال سوريا، وذلك من خلال منشور عبر حسابه الشخصي على موقع التواصل الاجتماعي فيسبوك.

حيث كتب تامر: "عارف إن شعب مصر كله نفسه يساعد أهالينا وأخواتنا في سوريا دي أرقام التبرع عشان أي حد نفسه يعمل أي حاجة، الأرقام دي تابعة للهلال الأحمر المصري المتعاون مع الهلال الاحمر السوري، وغداً إن شاء الله ستتحرك شحنة مساعدات كبرى من الهلال الأحمر المصري للأراضي السورية استكمالاً للمساعدات السابقة".