"صوتك مُلهم للإبداع".. الموزع أحمد إبراهيم يوجه رسالة للهضبة عمرو دياب

حرص الموزع أحمد إبراهيم على توجيه رسالة شكر إلى الهضبة عمرو دياب، وذلك بعد نجاح أغنيتهما بطمن عليك والتي طرحها الهضبة احتفالُا بعيد الحب.

تحيا مصر يرصد لكم رسالة الموزع أحمد إبراهيم للهضبة عمرو دياب

ونشر أحمد إبراهيم بوستر أغنية عمرو دياب الجديدة  التي تأتي باسم "بطمن عليك" وذلك عبر الحسابي الرسمي على موقع التواصل الاجتماعي فيسبوك وعلق قائلا: شكرًا يا هضبة على تقديرك الكبير ليا ولموهبتي، لنصايحك وأفكارك ومشاركتك للرؤية الفنية والشكل الموسيقي، ولصوتك وإحساسك المُلهم للإبداع.

أحمد إبراهيم لعمرو دياب: 3 سنين نجاح بعدك هما الأهم

وأضاف: "20 سنة "قبلك" نجحت فيهم بفن من تأثير فنك عليا وعلى جيلي، و 3 سنين نجاح بعدك هما الأهم".

وتابع: "الحمد والشكر لله الملك على وجودك وسطنا استفاد منك اللي نافسك واللي انتجلك واللي اتصور معاك واللي اشتغل معاك أو حتى اشتغل في زمنك اتعلم منك حتى اللي بيطلع يهاجمك ويعاديك استفاد واشتهر".

أحمد إبراهيم: الدنيا بتغُر والنماذج الهش كتير

واختتم أحمد إبراهيم رسالته: "بحبك يا هضبة .. كتبت الكلمتين دول في وقت نجاح ساحق عشان الدنيا بتغُر والنماذج الهش كتير".

وسبق وطرح الهضبة عمرو دياب أغنية بطمن عليم، وذلك عبر خدمة فودافون، وجاءت تزامنًا مع احتفالات عيد الحب.

"بطمن عليك" من كلمات وألحان عزيز الشافعي، توزيع أحمد ابراهيم، وميكساج وديجيتال ماستر أمير محروس.

كلمات أغنية بطمن عليك

أنا بطمن عليك مش عايز حاجة منك غير بس أنك ترد
أنت كويس بجد مش ناقصك أي حاجة مش ناقصك أي حد

يا بعيد عن عيني يا عيني يا عيني بعيد
بالقلب أنا بسلم مادام عز السلام بالأيد

مش بحكي عن الرجوع مش ده الكلام ولا ده الموضوع
أنا بس بطمنك مهما يحصل ما بينا في القلب مسكنك

دول مش عشرة يومين طيب نروح من بعض فين
مش أنا اللي هفكرك أنا عايزك تبقى عارف أنا لسه بقدرك

يا بعيد عن عيني يا عيني يا عيني بعيد
بالقلب أنا بسلم مادام عز السلام بالأيد