بعد أقل من 24 ساعة.. أحمد كامل تريند رقم 1 بـ يابا

تصدر المطرب أحمد كامل تريند موقع الفيديوهات يوتيوب بعد طرح أحدث أغانيه بعنوان “يابا” وذلك قبل أقل من 24 ساعة. 

تحيا مصر يرصد لكم تفاصيل أغنية يابا 

أغنية يابا لـ أحمد كامل تريند رقم 1

وحققت الأغنية 263 الف مشاهدة بعد 20 ساعة فقط من طرحها عبر قناته الرسمية بيوتيوب. 

وجاءت التعليقات على الأغنية: لا أعتقد أني الفنان الواحد الذي يعشق هذا الفنان، أغنية حلوة ومختلفة وقوية، تحفة يا فنان، وغيرها من التعليقات. 

كلمات أغنية يابا 

وتقول كلمات الأغنية: 

ماصعبش عليا غير نفسي
عشت مداري عينيا عن كل اللي فات
واللي جاي بيكي ماعادش جاي
هتاخدي ايه من قلب مات
و انا يابا يابا يابا

ليه يا قلبي كل يوم تعيد
فيلم ياما اتعاد قدام عينيك
الف مرة الحظ قال معاك
واما جه الجد ساب ايديك
هي دنيا ماشية واحنا فيها
ضحكة كاتمة دمعة بنداريها
ليه بندي للزمان امان
بتآمننا السكة ونآمنها
وفي اخرها حزن يجي منها
ونبكي ع اللي كان

ماصعبش عليا غير نفسي
عشت مداري عينيا عن كل اللي فات
واللي جاي بيكي ماعادش جاي
هتاخدي اية من قلب مات
و انا يابا يابا يابا

عدى فيا الخوف غير كتير
خد ملامحي وضاعت ع الطريق
فين هروح واهرب م الحزن فين
حتى حضن الليل عمال يضيق
جري جري وعمري يوم ما وصلت
فوقت متاخر واديني لما فوقت
كان العمر مني ضاع
عمري فيلم واما جيت اشوفه
شوفت قلبي خاف يعيش من كتر خوفه
ويجي مشهد الوداع

ماصعبش عليا غير نفسي
عشت مداري عينيا عن كل اللي فات
واللي جاي بيكي ماعادش جاي
هتاخدي اية من قلب مات

ألبوم أحمد كامل الجديد 

وكان قد طرح الفنان أحمد كامل أحدث ألبوماته الغنائية الجديدة، والذي جاء باسم بعد منتصف الليل، وطرح الألبوم عبر قناته الرسمية بموقع الفيديوهات العالمي يوتيوب.

وجاءت الأغنية الأولى في الألبوم باسم يابا وهي من كلمات مصطفى ناصر وأحمد كامل، ومن ألحان أحمد كامل، أما الأغنية الثانية جاءت باسم شئ غيرك وهي من كلمات  وألحان أحمد كامل وخالد عصام.

والأغنية الثالثة جاءت باسم رهان قديم وهي من كلمات مصطفى ناصر وألحان أحمد كامل، والأغنية الرابعة جاءت باسم  في الوقت المناسب، وهي من كلمات وألحام أحمد كامل ومصطفى ناصر، والأغنية الخامسة جاءت باسم بعد الكلام وهي من كلمات وألحان خالد عصام.