تامر حسني يكشف تفاصيل فيلمه الجديد تاج

كشف الفنان تامر حسني عن تفاصيل فيلمه الجديد تاج، كما كشف عن أبطال الفيلم، والذي من المقرر بدء تصويره خلال الفترة المقبلة.

تحيا مصر يرصد لكم تفاصيل فيلم تاج

وقال تامر حسني خلال لقائه في برنامج THE INSIDER بالعربي :معانا ساندي بتغني وبتمثل وهتقدم دور جديد عليها بجانب بيومي فؤاد وإخراج سارة وفيق.

وأضاف:مكنتش ناوي أخرج كل حاجتي، فيلم بحبك كان رومانسي وحبيت أظهر الحالة كمؤلف وكمخرج، وحبيت أقدم العمل كله وكان تحدي كبير بالنسبة لي، والحمد لله حقق أعلى إيراد في تاريخ السينما المصرية والعربية.

وتابع :حاليًا أحضر لأول سوبر هيرو عربي وبنعمله بالتقنيات العربية الحديثة وإنشالله يعجب الجمهور.

وعن فكرة ظهوره بشخصيتي تؤام في العمل قال تامر حسني: لسه ده مش أكيد.

اعتذار مي عمر عن فيلم تاج

وكانت قد اعتذرت الفنانة مي عن عن المشاركة في فلم تاج، موضحةً أن سبب اعتذارها عن المشاركة فيه هي مواعيد التصوير، لأنها تشارك في بطولة مسلسل “علاقة مشروع” مع الفنان ياسر جلال، والذي سوف يعرض في شهر رمضان المقبل.

اتهام أحمد التهامي بسرقة فيلم تاج

وكان قد أعلن الفنان أحمد التهامي، عن سرقة أحد أعماله، عبر حسابه على موقع التواصل الاجتماعى "فيسبوك"، وكتب أحمد التهامي: "أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي اللي يليق بمجهودي وتعبي في مشواري الفني وقولت كل شيء نصيب والحمدلله على حب الناس والدنيا مستوره والحمدلله".

وأضاف: "إنما توصل إن مشروعي مشروع عمري اللي أنا تعبت فيه في كتبته ولفيت بيه على معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني ويعمله حد تاني بغض النظر ده فيلمي ومشروعي وأنا أول واحد من ١٠ سنين فكرت في فكرة البطل الخارق وطول الفتره دي كان يتسرق أجزاء من الفيلم وقولت عادي، إنما (التوائم الخارق) ده بتاعي ومسجله في المصنفات والشهر العقاري، وتامر حسني، صاحبي وأخويا وأكيد مايعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل لـ تامر حسني ومعرفتش".