سامح حسين يوجه رسالة شكر لجمهوره: فضل كبير من ربنا عليا

حرص الفنان سامح حسين على توجيه رسالة شكر إلى جمهوره، وذلك بعد أن تصدر التريند خلال الأيام الماضية، وذلك بعد تصريحاته الأخيرة.

تحيا مصر يرصد لكم رسالة سامح حسين لجمهوره

وكتب سامح حسين عبر حسابه بموقع التواصل الاجتماعي فيسبوك: كَمّ الحب إللى شعرت بيه الكام يوم اللى فاتوا مش قادر أوصفه بالكلمات، حقيقى فضل كبير من ربنا ... شكراً ليكم جميعاً لدعواتكم الطيبه المخلصة ودعمكم يا أجدع ناس ويارب أكون دايماً عند حسن ظنكم.

 سامح حسين يتصدر التريند

وكان قد تصدر الفنان سامح حسين تريند جميع مواقع التواصل الاجتماعي، وذلك بعد تصريحاته في برنامج واحد من الناس الذي يقدمه الإعلامي عمرو الليثي.

وتحدث الفنان سامح حسين عن تفاصيل عمله في النقاشة وهو في مرحلة الثانوية، حيث قال سامح: “كنت في الثانوية وكنت دايما بشتغل ما بين الإجازات، فكنت بشتغل على واجهة بتاعت عمارة، وطلعنا في الدور الـ 17، على سقالة، واللي قصادي ضخم وأنا نحيف، فهو بيطلع بسرعة، وأنا بطلع ببطء، وفجاة السقالة نزلت حوالي 5 سم”.

سامح حسين: اتعرضت للمخاطر وأنا شغال نقاش

وتابع: “لما نزلت كان قلبي واقع وشعري طئطئ أبيض، أنا بصبغ شعري من ثانوية عامة بسبب النقاشة، وياما اتكهربت، وكنت مسرف جدا، لكن خلاص اكتشفت أنا مش هعيش دايما الفلوس اللي بتجيلي اصرفها في ثواني، وبعدين أقوم مايل على صحابي أو على خالي عشان أخد فلوس، فقولت خلاص ألم نفسي، لكن كنت مسرف جدا.

سبب رفض سامح حسين العمل مع عادل إمام

كما أوضح الفنان سامح حسين السبب وراء رفضه العمل مع الزعيم عادل إمام في أحد أعماله الفنية، حيث قال: “أستاذ عادل دا الزعيم بتاع المهنة بتاعتنا، وأي حد نفسه يشتغل معاه، فلما اشتغل معاه أبقى حاسس أن أنا هبقى مؤثر، ومبسوط أني شغال معاه، فملقتش أن أنا هبقى مؤثر، وكان في المسلسل اللي قبل الأخير ليه، كان كاتبه أستاذ أيمن بهجت قمر، وكان أستاذ رامي إمام هو المخرج، وعمل الدور بدالي حمدي الميرغني، وأكيد عادل إمام زعل مني، وليه حق أنه يزعل، وأنا زعلت، كان نفسي أبقى حتى لو مشهد، ومندمتش.