فرحان بإيرادات فيلم بحبك والواحد بقى عنده تاريخ كبير من الأغاني.. أبرز تصريحات تامر حسني

فجر نجم الجيل، الفنان تامر حسني عدد من التصريحات خلال لقائه في برنامج The Insider بالعربي حول أسباب إعادة أغانيه القديمة مرة أخرى وبطلة فيلمه الجديد تاج.

تحيا مصر يرصد تصريحات تامر حسني.

تامر حسني يعرب عن سعادته بنجاح فيلم بحبك

وقال تامر حسني: فيلم بحبك حسيت إن القصة رومانسية وأنا بفضل النوع ده من الأعمال، فحبيت أقدم كل حاجة من خلال هذا العمل سواء إخراج أو تأليف، وأظهر الحالة الموجودة داخل العمل من خلال أغاني التي عشت سنوات عليها.

وتابع: الحمد الله فرحت جدًا بالإيرادات اللي حققها فيلم  بحبك، في تاريخ السينما المصرية، وكان تحديا كبيرا في حياتي.

ساندي تشارك في فيلم تاج بطولة تامر حسني

وأضاف: الفنانة ساندي هتشارك معانا في فيلم تاج، وهتظهر بشكل مختلف، ودور جديد عليها، بالإضافة إلى  بيومي فؤاد، والعمل من إخراج  سارة وفيق.

تامر حسني يكشف عن أسباب إحيائه أغانيه القديمة

و عن إحيائه أغانيه القديمة مرة أخرى من خلال حفلاته الغنائية، قال: النوستاجليا مهمة، الموضوع ده مهم أوي لأن تحس إن في ناس بيبقى عندها ذكريات مع أغاني معينه لما بيسمعوها بتتعاد بيتفاعلوا معاها كأنها أول مرة يسمعوها.

واختتم تامر حسني حديثه قائلًا: الواحد بقى عنده تاريخ كبير من الأغاني، وبيتطلب مني أغاني كتير في الحفلات فأكيد مش هلحق أغني 90 أو 100 أغنية فبحاول بقدر الإمكان استجيب لرغابتهم من خلال  الكافر.

من جانبه، كشف الفنان أحمد التهامي مفاجأة عن فيلم تامر حسني الجديد، الذي يحمل اسم «تاج».

وكتب أحمد التهامي في منشور عبر حسابه الرسمي بموقع التواصل الاجتماعي «فيس بوك»: «أنا سكت كتير عن حقي عشان ما زعلش حد مني، اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس».

وتابع أحمد التهامي في منشوره: «الدنيا مستورة والحمدلله .. إنما توصل إن مشروعي.. مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني، ويعمله حد تاني بغض النظر ده فيلمي ومشروعي، وأنا أول واحد من 10 سنين فكرت في فكرة البطل الخارق».

وأضاف: «وطول الفتره دي كان يتسرق أجزاء من الفيلم وقول عادي.. إنما (التوأم الخارق) ده بتاعي ومسجله في المصنفات والشهر العقاري.. تامر حسني صاحبي وأخويا وأكيد ما يعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل ل تامر حسني ومعرفتش».